DILI – Hafoin derota 1-4 kontra ekipa senior sub 23, treinador ekipa Selesaun Nasional sub 19 Eduardo Pereira apresia tebes ba nia jogador sira ne’ebé mak hatudu performa jogu brillante tebes.
“Maske hetan derota hau apresia ba jogador ekipa sub 19 nia jogu ho displina tebes no kalma hodi halo jogu tuir buat ne’ebé mak durante ne’e hau treinu sira” relata Eduardo ba jornalista iha estadiun municipal Dili kuarta (14/7).
Nia hatutan, situasaun pandemia covid 19 halo jogador sira para hotu trenamentu, maibe foin mak hala’o treinu seidauk to’o fulan ita hare jogador hotu hatudu jogu diak tebes maske hasoru jogador sub 23 ne’ebé mak hetan esperensia barak ona.
Maibe jogu try out ida ne’e seidauk iha efetivu mai hau hanesan trenador, tanbá ita jogu hasoru nasaun ne’ebé mak iha esperensia barak, tan ne’e hau nia hakarak jogador tenki tray out ho nasaun seluk hodi gaña esperensia.
“Sei ita try out deit iha Timor susar ba jogador sira atu hetan esperensia no mentalidade atu kompete iha eventu internasional sira.”
Treinador Eduardo haktuir, karik ami husu ba dirijenti Federasaun Futebol Timor Leste (FFTL) aseita halo pedidu hodi halo try out ho nasaun seluk ne’e diak liu tan.
About Post Author
