DILI – Relasiona ho partisipasaun Lalenok United nian iha jogu AFC Cup iha 28 fulan Abril tinan 2021 prezidente klubu Lalenok United Pedro Belo hasoru malu ho Sekretariu Estadu Juventude Desportu (SEJD) Abrão Saldanha, hodi hato’o defikuldade ne’ebe mak klubu infrenta.
Tuir prezidente katak objetivu hasoru malu ho SEJD atu atualiza informasaun konaba klubu Lalenok United nia partisipasaun iha jogu AFC Cup ne’ebe mak sei hala’o iha 28 de Abril 2021.
“Ami hato’o difikuldade finansiamentu no parte rekursu umanu ne’ebe mak klubu Lalenok infrenta ba iha SEJD atu nune’e parte governu bele hatene klubu nia preparasaun ba jogu AFC Cup” relata Pedro ba jornalista iha eis sional SEJD Sesta (05/02).
Nia hateten la’os parte SEJD mak atu resolve problema ne’e hotu, maibe husi parte klubu no governu sei rezolve buka oinsa atu rezolve problema ne’ebe mak klubu infrenta.
Iha tinan ne’e la hanesan ho tinan liu ba Lalenok partisipa iha jogu AFC Cup tanba parte ekonomia no transporte mos sei la’o ba mai diak ita bele dehan finansa sei kman oituan.
“Ita hotu hatene tinan ne’e ita infrenta hela moras COVID19 halo transporte hanesan aviaun laiha movimentu ba mai sai difikuldade liu tan ba klubu.”
Sorin seluk Sekretariu Estadu Juventude Desportu Abrão Saldanha informa klubu Lalenok mai hasoru malu ho ami hodi hato’o sira nia preokupasaun atu viazen ba jogu AFC Cup iha fulan Abril tinan ne’e.
Tan ne’e governu liu husi SEJD sei servisu hamutuk ho Federeasaun Futebol Timor Leste (FFTL) atu buka meius oinsa atu rezolve tia prekupasaun Lalenok United nian ba jogu AFC Cup 2021, Abrão dehan.
SEJD orgulio ba klubu Lalenok united nia partisipasaun iha jogu AFC Cup tanba bele motiva ona klubu no jogador sira seluk. (Eug).
About Post Author
