Dili – Ekipa Kablaki Fc, ne’ebé hala’o ona nia jogu ba datoluk, kontra Boavista Fc de Timor, maibé tenki derota, maibé man of the match monu ba guarda rede Kablaki.
Guarda rede Kablaki, ho naran Januario Abi, ne’ebé uza kamizola númeru 30, sai melhor guarda rede tanba salva bola barak husi nia ekipa.
Kablaki derota 2-0, liu husi bola penalidade iha minutu ikus jogu primeira parte iha minutu ’45+1’, no golu segundu iha jogu segundu parte iha minutu ikus ‘90+2’.
Tuir guarda rede Kablaki Januario, nia parte man of the match ne’e hanesan parte ida atu motiva nia, nune’e jogu tuir mai sei esforsu nafatin.
“Hau kontente, no esforsu nafatin, maske ami derota, maibé golu primeiru liu husi penalidade”. Dehan guarda rede ne’e iha fatin konferénsia imprensa ne’ebé hala’o iha satium Munísipal Dili-Kuarta (29/09/2020).
Guarda rede ne’e mós preokupa ho árbitru nia desizaun, tanba lanya hi’it ona bola out, maibé árbitru la hare, nune’e halo jogadór husi ekipa adversáriu foti bola tama hodi halo bola falta ba penalidade. (Vidal)
About Post Author
