Dili – Treinadór Kablaki FC, João Fernandes la satisfaz ho árbitru nia desizaun foti bola falta penalidade ba nia ekipa hodi rejulta golu iha jogu primária parte.
Jogu entre ekipa rua, Kablaki Fc kontra Boavista Fc Timor, iha stadium Munísipal Dili, Kuarta (29/09/2020), maibé Kablaki tenki simu uluk golu iha jogu primária parte iha minutus ikus ’45+1, liu husi bola penalidade, tanba bola kona defeza Kablaki nia liman, iha liña klaran, nune’e árbitru ne’ebé lidera jogu entre ekipa rua, ho naran Eufragio dan Costa Silva hola nia desizaun hakat ba penalidade.
Tan ne’e treinadór Kablaki João, nia parte la halo espekuladaun, maibé la satisfaz ho desizaun árbitru nian, tanba la justu no injustisa ba nia ekipa.
“Ohin ne’e lolos laos penalti, tanba bola kona uluk Edit Xavio nia liman, no bola ba rai ba kona hau nia jogadór nia liman, maibé lolos hau nia jogadór nia liman la book-aan, entau árbitru iha hela hau nia jogadór nia kotuk, hodi deside ba penalidade, ne’e hau la aseita ho desizaun ne’e”. Hateten treinadór ne’e.
Treinadóra ne’e afirma, sira hanesan ekipa foin promove ba segundu divizaun, maibé nia ekipa joga di’ak tebes tanba jogu iha sigundu parte sira domina bola, maske la produz golu ruma, tanba ne’e nia parte la triste ho derota entre ekipa Boavista ho skor 2-0.
“Ba hau atu hakat to’o iha oitavu finais ka lae ne’e, ne’e jogu mak hanesan ne’e”. Dehan nia.
Nia promete, jogu tuir hasoru Emanuel nafatin esforsu, atu nune’e jogu ho diknidade. (Vidal).
About Post Author
