DILI – Ekipa AS marka ne’ebé foin promovidu mai segunda divizaun halo kritika ba komisaun organizadora Kopa FFTL 2020 iha estádiu munisipál Dili, domingo (30/08)
Hafoin jogu remata no derrota hasoru ponta Leste 0-7, www.desportu.xyz hetan xamada hosi ofisial AS marca nian besik ba iha area téknika.
“Kona ba problema ohin ne’e, ami fo sala komisaun organizadora,” deklara treinadór Rumão Guterres hafoin nia briefing ninia ekipa hafoin sira derrota ne’e.
“Kona-ba farda, ami fo hatene ami nian antes ba komisaun maibé komisaun la hatete buat ruma,” haktuir Rumão.
Defaktu, jogu ekipa rua AS MARCA ho AS Ponta Leste hanruk minutu balun iha Kick Off primeira parte.
Situasaun ne’e hahú hosi árbitru Pedro Maia Carvalho halai ba koalia ho asistente refree Romario, tuir kedas hakat ba komisáriu jogu Martinho Ribeiro iha kampu ninin, hafoin observa ekipa rua, árbitru mós hakat ba hú kick off.
Situasaun nee atrai mós adeptu ninia matan barak hakfodak atu destinge ekipa rua, basa sira ninia farda kor hanesan mean metan, so diferensa iha faru oi hosi ponta leste mea riska mean tun, hosi AS Marca faru oin enxe númeru ho letra mutin.
Enkuantu kór prinsipál Mean metan hotu, buat ne’ebé halo diferensa maka meias.
Jogu la’o to iha klaran, ekipa AS Ponta Leste na’in rua tenke hadau malu bola iha area risku no la hamosu golu ba AS Marca.
Insidente seluk, defeza AS Marca nian loke bola livre atu guarda rede simu no nein halo asaun bainhira hetan penetrasaun hosi Ponta Leste iha area risku. (Augusto)
About Post Author
