Dili-Partisipante kursu Nivel D na’in 25 ne’ebé mak durante semana ida simu formasaun hosi instrutór arbitrajen Federasaun Futeból Timor-Leste (FFTL), na’in 5 mak konsege pasa iha teste fitnes.
Tuir instrutór arbitrajen Aniceto Berlelo, katak formasaun arbitrazen durante semana ida ne’e nia laran formadu sira ne’ebé mak mai hosi Asosiasaun Dili Leste sira ativu tebes hakarak sai duni kandidatu sai membru arbitrajen.
Iha formasaun ne’e formador sira aprende matéria rua hanesan Law Of The Game halai liu ba téknika no matéria fitness test kona ba teoria iha fíziku hodi halai iha kampu laran.
“Iha fitness test ne’e formadór sira hotu-hotu diak, maibe formadór na’in 5 mak konsege di’ak liu hodi pasa,” haktuir Aniceto Berlelo ba jornalista iha kampu Demokrasia kuarta (12/8/2020)
Maibé formadór sira ne’ebé mak la konsege liu iha formasaun arbitrajen nivel D ne’e sei iha oportunidade tuir mai atu atinji sira nia mehi hakara sai duni arbitrajen.
Berlelo afirma atu arbritazen ne’ebé mak diak hodi lidera jogu tenke liu husi fitness test, tanba lidera jogu la’ós fasil persiza fíziku.
“Ami mós planu atu hato’o proposta ba FFTL atu halo kontinuasaun fali formasaun ba sira ne’ebé mak la pasa hodi nune’e sira bele hetan oportunidade mós hanesan sira na’in 5 seluk” tenik Berlelo.
Sira ne’ebé mak pasa no la pasa ne’e tuir kritériu arbitrajen internasionál nian katak formadór sira halai hale’u kampu 12 lab hodi antinje 400 meter.
Iha fatin hanesan partisipante, Dionísio Mendonça ne’ebé mak pasa iha formasaun arbitrajen nivel D afirma sente kontente no orgullu tebes bele liu iha formasaun refere.
Mendonca hatete ita kuandu liu iha formasaun ida ne’e la’ós fasil, maibé tuir formasaun tenke fokus. (Desportu.XYZ)
About Post Author
