DILI- Eis Sekretario Jeral Liga Fútebol Amadora (LFA) Alex Vong husu ba Federasaun Fútebol Timor Leste (FFTL) no Liga Fútebol Timor Leste (LFTL) atu bolu klubu Boavista FC Timor hodi tur hamutuk atu buka solusaun relasiona ho nia rezignasaun husi Liga, tanbá klubu mak hamoris Fútebol, klubu laiha futebol sei lala’o.
“Hau senti triste wainhira rona klubu diak ida hanesan Boavista FC Timor hakiduk husi Liga, tanbá ne’e FFTL no LFTL tenki hakoak klubu sira ho diak no buka rezolve lalais asuntu refere, tanbá klubu mak hamoris Fútebol” relata Alex Vong ba Desportu.XYZ iha Bairu Grilhos Segunda (13/09).
Nia dehan, liga no federasaun tenki hakoak klubu sira tenki bolu mai husu sira tanbá saida, tanbá klubu ne’e sira Asionista sira mak tau osan ba klubu, tanbá sira durante ne’e investe ba klubu tinan naruk ona.
“Ho investimentu klubu sira nian durante ne’e mak, ita hetan rezultadu ladun barak mos mais ou menos oituan iha Fútebol, tanbá ne’e tenki tarata klubu sira ho diak, Fútebol laos ema liman ida deit mak halo, maibé presija ema hotu nia kontribuisaun”
About Post Author
