Dili – Ekipa Lika Lika FC derota ho ekipa Kablaki iha jogu prelemináriu iha grupu D, tanba jogadór sira nia kondisaun fíziku menus.
“Iha jogu primeira parte ne’e, ekipa Kablaki nian mak hatama uluk golu, maibé depois ami responde fila fali golu ida hodi muda ba skor 1-1,” haktuir treinadór Lika Lika FC Octavianos Pinto iha nia konferensia imprensa iha stadium Munísipal Dili-Sexta(28/08/2020).
Tuir treinadór ne’e katak, nia ekipa derota ne’e mós falla husi nia jogadór rasik, tanba la kontrola bola ne’ebé hetan kruza husi ekipa Kablaki nian hodi rejulta golu1-0.
Maibé, tuir nia iha jogu segundu parte sira nia jogadór ida hetan kartaun mean, nune’e fó oportunidade ba ekipa Kablaki halo presaun maka’as hodi fó tan golu rua.
Tan ne’e, nia mós rekoñese, iha jogu tuir mai sira sei hasoru ekipa Boavista iha jogu ba jornada daruak nian.
“Jogu tuir mai, iha ami nia grupu ne’e mesak todan de’it, hanesan ekipa Boavista no S.L.B Laulara.
Enkuantu nia promete, liu husi derota ne’e bele hadi’a liu tan fallansu ne’ebé iha hodi hasoru jogu tuir mai.
Treinadór ne’e mós afirma, maske hasoru ekipa bot sira tuir mai, maibé nia parte fiar katak iha jogu mak termina manan ka lakon. (Vidal)
About Post Author
