Dili-Asistente treinadór tékniku Karketu Dili Fc António Timóteo konsidera Karketu sei iha dalan luan, maske fahe pontus 3 ho Lalenok United Fc iha jogu jornada dalima.
Timóteo hateten, jogu ohin sira tenta esforsu maka’as, maibé la konsege hetan vitória. Maibé nafatin provisóriu okupa iha primeira tabela klasifikasaun Liga Timorense ho pontus 11 iha jogu lima.
“Agora ne’e oportunidade sei luan, agora hein de’it jogu ida ikus ne’e”. Dehan Timóteo hafoin jogu remata iha Stadium Munisipal Dili, Segunda (13/12).
Nia reforsa, ohin sira nia jogadór liña mediu defisíl hetan bola tanba jogadór adversáriu nian la fó fatin.
Ne’e mak jogu, maibé loloos ne’e ida hanesan ne’e sira mak menus jogadór, soke ami mak la aproveita ho di’ak, tanba jogadór 11 hasoru jogadór 8 Dehan nia.
Iha fatin hanesan treinadór Gaspar Amaral hateten, ohin sira esforsu atu hetan vitória, maibé la konsege tanba nia jogadór ida hetan kartaun mean.
Fahe pontus ne’e mós ami sente naton ona mai ami, tanba ne’e ba oin nafatin esforsu, tanba seidauk hatene loos ekipa ne’ebé mak sai kampeaun, tanba As Ponta Leste, Assalam Fc mós sei iha fatin atu sai kampeaun.
Treinadór ne’e rekoñese nia jogadór ida hetan kartaun mean ne’e tanba antes tama jogu nia informa ona katak nia saúde la permite.
About Post Author
