Dili-relasiona ho ezijensia klube nian kona-ba aumenta Subsidu bá Liga Epoka 2022-2023,halo Federasaun Futebol Timor Leste (FFTL) ho orgaun Liga Futebol Timor Leste (LFTL) tenki husu tan orsamentu balun bá Sekretáriu Estadu Juventude no Desportu (SEJD) hodi organiza Liga.
Lia hirak ne’e hato husi prezidenti FFTL Francisco Jeronimu no Prezidenti LFTL Nilton Gusmao bá jornalista sira hafoin remata inkontru entre klube, FFTL no LFTL iha salaun FFTL Segunda (12/09)
Prezidenti FFTL Francisco Jeronimu hateten, resultadu inkontru entre FFTL ho LFTL to’o ona iha konkluzaun ida katak,osan ne’ebé agora dadauk ami iha seidauk bele to’o atu organiza liga.
“Entaun dezisaun ikus ha’u ho Prezidenti LFTL no mós reprezentante husi klube nain rua aban haruka karta ida bá SEJD atu iha posiblidade bele aumenta tan osan hodi nune’e bele organiza liga ne’ebé maka ita promete ona”
Tuir nia katak,komitmentu ami nian mak ne’e,tinan ne’e realiza liga tanba Kalendariu FIFA nia hahú husi 2022 to’o 2023 mak remata.
“Ezijensia klube sira nian kona-ba bá aumenta Subsidu ne’ebé mak ami resistu hodi hato bá SEJD”
Iha fatin hanesan prezidente LFTL Nilton Gusmao afirma,ami iha komprimisio hanesan hakarak iha tempu badak liga tenki la’o,maibé infelismente ita sei falta hela orsamentu tanba ne’e mak prezidente FFTL atu halo audensio ida ho SEJD.
“Kona-ba planu orsamentu ami halo tiha ona i kontribuisaun FFTL nian hatene ona no liga mós sei buka angaria tan orsamentu balun,maibé falta tan orsamentu balun tanba ezijensia klube nia atu aumenta Subsidu”
Nia haktuir,prezidenti FFTL propoin atu halo inkontru try parte ho SEJD, i liu husi inkontru ne’e depois mak ita hatene liga bainhra mak la’o,maibé liga tenki la’o.
Entertantu komprimisio LFTL ho FFTL katak,liga Epoka ida ne’e tenki la’o iha tinan ida ne’e no labele liu husi tinan ne’e.
About Post Author
