DILI – Ekipa Femenina Ad LSB konsege hamonu nia adversariu Lalenok United 3-1 iha jogu abertura Liga Voleibol de Timor Leste epoka da tolu 2020 ne’ebè mak halao iha kampu Nasional SEJD Tersa (27/10).
Iha set premeru ekipa rua tun hodi halo semes bola tarutu tun husi neet sorin ba sorin halo adeptos ne’ebè mak asiste jogu refere hakilar ba ida-idak nia ekipa.
Maibè Ad SLB nia tatika jogu husi bola semes iha neet leten halo Lalenok difisil halo blokea hodi monu barak liu ba sira nia area ikus mai SLB tenki save vitoria iha set primeru ho 25 kontra 19.
Set segundu ekipa Lalenok tun hodi halo mundansa ho bola kiik, enkuantu Ad SLB mantein ho tatika jogu ho bola tarutu.
Ho mundansa jogu Lalenok nian konsege hader hikas hodi halo jogador nain tolu tenki sai blokea makas iha net leten difisil ba SLB atu halo bola tarutu ba Lalenok nia area, halo Lalenok ukun set segundu ho pontos 25 kontra 19, sai skor 1-1
Ho skor 1-1 halo jogu sai furak liu tan ba ekipa rua maibè SLB halo mundansa hodi troka jogador toser hodi ofer bola diak ba jogador sira semes bola iha net leten.
Iha SLB nia mundansa toser ne’e halo Lalenok la tahan hodi blokea jogador SLB sira nia semes iha net, ikus mai SLB ukun tan set treseiru ho pontos 25 versu 19, muda skor 2-1.
Lalenok koko atu hader iha set kuartu maibè SLB ne’ebè mak iha anin leten kontinua fo presaun hodi halo jogador Lalenok susar duni tuir pontos SLB 25 Lalenok ho deit pontos 12, ikus mai skor muda 3-1.
Ekipa femenina ne’ebè mak partisipa iha liga voleibol Timor Leste epoka da tolu hamutuk 8 mak hanesan Ad SLB Lauara, Lalenok United, Academica UNTL, Citra Mares, Laloran Frontera, Fitun Lorosae, Adr Uniaun, Celu. (Eug)
About Post Author
