DILI – Sekretariu Estadu Juventude Desportu (SEJD) tinan ida ne’e tau orsamentu hamutuk $300 ital mil ba Liga Futebol Timor-Leste (LFTL) hodi hala’o atividade Liga lao fila fali ba normal.
Sekretariu estadu Juventude Desportu Abrão Saldanha hatete ita hare fila fali ba tinan kotuk situasaun COVID19 halo atividade desportu iha nasaun hotu kuaze paradu.
Situasaun refere halo ita nia desportu rai laran tenki paradu liuliu Liga Futebol Timor-Leste para tanba deit COVID19.
“SEJD tinan ida ne’e tau orsamentu hamutuk $300 ital Mil ba Liga Futebol Timor Leste tanbà tinan tinan SEJD aloka deit orsamentu $770 mil ”dehan SE Abrão ba jornalista iha SEJD Segunda (04/01).
Nia informa SEJD mos sei tur hamutuk ho Federasaun Futebol Timor-Leste (FFTL) atu hare oinsa apoiu ba liga refere.
Lolos ne’e SEJD atu bolu orgaun Liga sira atu tur hamutuk hodi realiza jogu Liga ho sedu tanba jogu para kleur ona, maibe situasaun COVID19 halo ita tenki para lai hodi hein situasaun normal hikas fali. (Eug)
About Post Author
