DILI-governu liu husi Sekretariu Estadu Juventude no Desportu promete sei servisu hamutuk ho Federasaun Fútebol Timor Leste (FFTL) hodi tulun nafatin orgaun Liga Fútebol Timor Leste (LFTL) iha tinan oin mai.
Sekretariu Estadu Juventude no Desportu Abrão Saldanha hato’o lia hirak ne’e hafoin ensera atividade LFTL epoka 2021 no mos atribui premeu ba kampiaun Karketu Dili Fc iha estadiun munisipal Dili kinta (23/12)
Tuir Abrão katak, lori governu nia naran mai esnsera LFTL epoka 2021no atividade ne’ebé defisil tebes iha prosesu inisiu, maibé ita konsege realiza mesmu iha pandemia covid 19 nia laran iha ita nia rai la preparadu atu infrenta situasaun ida ne’e liu liu atividade desportu, maibé ho ekipa tomak nia servisu maka’as durante tinan ida nia laran to’o ohin loron final.
“Governu iha komitmentu nafatin hamutuk ho FFTL-LFTL atu kontinua realiza liga iha tinan oin” dehan Abrão
Komprimisiu ba Fútebol mak governu liu husi oitavu governu konstituisional hamutuk ho FFTL atu hanoin hodi hahu husi baze no ba labarik ki’ik oan sira.
Iha tinan ida ne’e ita hahu ona introdus Festival ba juvinil no liga ba juvinil no tinan oin ita hanoin atu hari sentru futebol juvinil iha Timor laran tomak hamutuk ho FFTL atu prepara nafatin Fútebolista iha ita nia rai ba tinan lima mai.
“Ita nia governu mos iha ona orsamentu aprovadu ba tinan oin atu hari tan estadiun munisipal tolu atu avansa ba nia estudu no ba dezenu tinan oin, sei buat hotu posiblidade diak bele investe ba estadiun sira”
Governante ne’e esplika,husi ne’e ita bele iha esperansa ida katak, tinan 5 no ba tinan 10 pelumenus ita la bele lori nafatin zero hanesan agora, maibé ita ita bele hetan prestasaun ida diak, Sea Games.
“Hau hare husi koversa simples ida ho prezidenti klubu sira katak, tinan ne’e jogu ladun manas. Tanbá iha ajenda partisipasaun Timor nian iha Suziky Cup, maibé sei hamutuk FFTL atu hare didiak fali hodi la bele duvidas ba klubus tanbá tinan oin Sea Games”.
About Post Author
