BAUCAU-(Desportu XYZ) governu liu husi Sekretáriu Estadu Juventude no Desportu (SEJD) nia programa ne’ebé mak apoiu bá Alumi Parlamentu foin sa’e (APFTL) ne’e atu muda mentalidade Juventude sira nian hodi perpara sira atu sai Lideransa di’ak bá futuru oin mai.
Deritor SEJD liu husi derisaun Nasionál Associativismu Juventude Jacintu António Ximenis haktuir, Parlamentu foin sa’e ne’e programa governu nian liu husi SEJD kria ho resolusaun.
“Programa governu nian liu husi SEJD hodi fó apoiu bá AFPTL hahú 2019 to’o ami agora ne’e, ita nia juven balun konsege serbisu ona iha governu no sosiedade sivil sira” tenik Jacintu bá jornalista sira iha Salaun santo Orsula Munisípiu Baucau kinta (23/12)
Nia haktuir,kona-ba dadus kompletu bá Juven hirak mak serbisu ne’e,ami seidauk halo survei no peskiza ida atu buka tuir juven sira ne’e.
“Kona-ba Membru PF ida ne’e hala’o bá periudu dala ha’at i atividade sira ne’ebé sira halo mak formasaun estudu vezita”nia afirma
Estudu vezita kona-ba saúde no edukasaun bá Juven sira ne’e hala’o iha Munisípiu rua mak hanesan Aileu no Ermera,maibé la’ós de’it iha Munisípiu rua ne’e de’it maibé sira ida-idak foti iha ida-idak nia Munisípiu hodi mai halo debate iha bankada tuir komisaun.
Antes ita hakat bá Plenaria daruak ne’e,Alumi Parlamentu foin sa’e sira halo uluk deskusaun bankada, inkontru komisaun no sesaun Plenaria bá banka A,B,C no D.
Nia sublina,governu liu husi SEJD iha komitmentu nafatin oinsá atu kontinua programa ida ne’e bá oin.
“Programa ne’ebé SEJD apoiu bá APFTL ne’e atu fó formasaun bá juvens sira atu sa’e lideransa ne’ebé di’ak bá futuru liu husi deskusaun ne’ebé mak sira aprende iha debate Plenaria bá daruak”
Deritor Juventude ne’e akresenta,2023 derisaun tau ona orsamentu i orsamentu refere aprova ona hein de’it oinsá ita atu mekanismu hodi rekruta fali Alumi Parlamentu foin sa’e foun bá periudu 2023.
Durante ne’e SEJD apoiu ona orsamentu bá APFTL hala’o nia atividade hahú husi 2019 to’o mai ohin loron hamutuk 46 mil.
“Ha’u nia mensajen bá membru Parlamentu foin sa’e sira katak,mandatu PF remata kada periudu tanba ne’e espasu ida APFTL kria bá sira ne’e atu kontinua nafatin buat ne’ebé mak imi aprende bele fó fali formasaun bá maluk juven sira seluk” Entertantu,debate bá asuntu saúde no edukasaun iha Plenaria bá daruak Ne’ebé halo husi Alumi Parlamentu foin sa’e ne’e, sira sei lori asuntu refere bá hato bá Menisteriu Edukasaun no Menisteriu Saúde.
About Post Author
