Dili – (Desportu XYZ) Klube 4 ne’ebé mak bá resistu ona iha Orgaun Liga Futebol Timor Leste hodi kompete iha Liga Timorense epoka 2023 mak hanesan,Coracao,Lica – Lica Lemorai,DIT Fc no Klube Fitun Estudante Lorasae.
Antes ne’e Federasaun Futebol Timor Leste FFTL hasai karta ofisiál ida hodi husu bá orgaun Liga atu hahu loke janela transferensia bá klube premeru devizaun no segundu devizaun iha loron 17 fulan Novembru no remata janela transferensia iha loron 10 fulan Dezembru 2022.
Maibé orgaun Liga sei kontinua prolonga tan janela transferensia bá fulan Janeiru hodi hein klube seluk atu mai resistu sira nia jogador.
Tuir Administrasaun LFTL Felisbertu M.de Jesus haktuir,orgaun Liga simu klube resistu iha janela transferensia hahú husi premeru ne’ebé mak hanesan,klube Coracao,segundu Lica – Lica, terseru Fitun Estudante no DIT Fc.
“Informasaun ne’ebé ha’u hetan husi superior sira katak,liga simu tan klube rua mai resistu hodi kompleta bá klube 6,liga Epoka 2023 kontinua hahú”tenik Felisbertu bá Desportu XYZ iha estadiun munisipal Dili kuarta (04/01)
Nia dehan,kona-ba data janela transferensia atu termina iha loron saida ha’u seidauk bele hatene tanba to’o agora ha’u seidauk simu informasaun husi superior sira.
“Ha’u simu ona kontaktu husi Klube balun atu mai resistu iha semanaida ne’e, tanba ne’e ha’u husu bá klube sira bele hakat mai resistu iha edefesio LFTL ne’ebé lokaliza iha estadiun munisipal Dili”
Rekorda fali katak, Sekretáriu Estadu Juventude no Desportu SEJD Abrao Saldanha foin lalais ne’e fó sai katak,sei karik mak liga Timorense ne’e la realiza iha fulan Dezembru orsamentu sira ne’e sei fila fali bá cofre Estadu.
Entertantu,klube 4 ne’ebé mak mai resistu ne’e,klube premeru devizaun ida no Klube segundu devizaun tolu.
About Post Author
