BOBONARO-Sekretaria Estadu Juventude Desportu (SEJD) preve orsamentu ba 20 mill ba Centru juventude Munisipiu Bobonaro hodi fo formasaun kona ba juventude eleitu suku atu nune’e joven sira bele solusiona problema iha sira nia suku rasik.
No formasaun ne’e rasik loke husi Sekretario Estadu Juventude Desportu Abrão Saldanha iha sede Suku Ritabou munispiu Bobonaro (22/11)
Tuir Diretor Ezekutivu Sentru Juventude Munisipiu Bobonaro Alçino Lopes hatete, Orsamentu rihun ruanulu resin neebe mak SEJD aloka ba iha sentru juventude munisipiu Bobonaro, ho Ida nee sira aloka ba iha aktividade rua.
“Orsamentu 20 mill ne’e hetan apoiu husi governu liu husi SEJD,no apoiu mai iha Sentru Juventude Munisipiu Bobonaro, husi Orsamentu ne’e agora dadaun ita aloka ba aktividade rua mak hanesan Lansamentu Nasional ba Joven eleitu suku ho nia Orsamentu $$3.000 resin, no formasaun ba juventude sira durante loron lima ho nia Orsamentu hamutuk $17.000 mil resin,” dehan Diretur Alcinu ba Jornalista sira iha Bobonaro segunda (22/11)
Nia informa Aktividade Lansamentu ba Joven eleitu suku ne’e reprezenta husi sentru juventude 7 hanesan munisipiu Aileu, Ainaru, Kovalima, Ermera, Likisa, Manufahi, Vikeke no munisipiu Bobonaru mak sai responsavel ba lansamentu refere.
formasaun ba Joven eleitu suku ne’e SEJD fo ba sentru juventude munisipiu Bobonaro hodi responsavel ba aktividade lansamentu nasional iha nivel munisipiu Bobonaru.
“Objetivu husi formasaun ba Joven eleitu suku ne’e atu kapasita joven eleitu sira oinsa halo planu, proposta no halo monitorizasaun inklui relatoriu iha Ida-idak nia suku.”
Enkuantu liu husi formasaun ida ne’e atu nune’e joven sira labele hein deit ba governu maibé oinsa joven ida hodi rezolve problema hotu iha suku Ida-idak.
Sorin seluk Sekretáriu Estadu Juventude no Desportu (SEJD) Abrão Saldanha reforsa katak, SEJD orgullu tebes ho partisipasaun lansamentu nasional ba joven eleitu suku nian, ho planu disponibilidade autoridade local nian ho juventude munisipiu Bobonaro hodi organiza lansamentu programa joven eleitu suku nian.
“Programa ne’ebe mak ohin ita mai lansa hanesan eleitu ba juventude suku ho ida ne’e karik ita nia joven sira hanesan lideransa komunitariu ita atu ajuda halo missaun Ida ohin hodi minimiza no organiza di’ak liu tan, ita nia foinsa’e sira iha baze liuliu iha suku no aldeia,” tenik Abrã
Governante ne’e mos espera katak joven sira iha nafatin kapasidade naton hodi halo servisu Ida ne’e, atu nune’e reprezenta Joven sira seluk hodi sai parseiru di’ak ba governu sentral no local, ho Ida ne’e kompetensia ne’ebe SEJD hakarak forma agora mak oinsa Joven sira bele deskobre problema ne’ebe sira identifika iha sira nia suku no aldeia rasik.
Nia haklaken, governu sei trasa problema ne’e hanesan planu no programa konkretu atu nune,e fo solusaun ba problema Ida ne’e, hodi halo projeta atu oinsa mak bele rezolve no buka solusaun ba Ida ne’e , maibe Ida ne,e sira sei tau matan nafatin ba programa Ida ne’ebe mak governu planeia ona atu nune’e bele sussesu.
Iha tinan Ida nee SEJD planu hela ba prossesu rekrutamentu ba Joven nain rua hodi monta iha postu-administrativu sira, atu nune’e bele servisu hamutuk ho joven eleitu suku sira hodi dinamiza diak liu tan atividade iha suku no aldeia liu husi aktividade Joven sira nian iha area desportu nian no seluk tan.
“Ita hanoin katak atu habo’ot diak liu tan desportu iha kraik pressiza estimula Joven sira nia kreatividade Ida ne’e, ami dependensia no esperansa bo’ot ba Joven na’in rua nee’be eleitu iha suku, Ida ne’e mak programa Ida ne’ebé mak SEJD nian, saida mak ami hakarak atu halo hodi hakbesik liu ba Joven sira iha baze,”
Abrão dehan, Antes nia atu halao nia missaun hanesan sekretáriu estadu, ho Ida ne’e divizaun rua mak nia lori ba iha SEJD hanesan foinsa’e millennial forsa kreativa, ho Ida ne’e oinsa atu bele rekoiñese divizaun Joven sira iha suku nia kapasidade no forsa hodi fó solusaun ba sira nia problema.
Aleinde Ida nee, aktividade desportu iha sosiedade no prestasaun, oinsa mak habo’ot liu desportu iha fatin hotu, atu nune’e bele lori desportu ne’e hodi hari’i alta prestasaun. SEJD iha rua vizaun rua ne’e atu sai konkretu ne’e oinsa organizasaun sir abele hakbesik liu servisu públiku bá populasaun liuliu juventude sira iha aldeia no suku,
About Post Author
 preve orsamentu ba 20 mill ba Centru juventude Munisipiu Bobonaro hodi fo formasaun kona ba juventude eleitu suku atu nune’e joven sira bele solusiona problema iha sira nia suku rasik.){kind=link}