DILI-governu liu husi Sekretario Estadu Juventude no Desprtu (SEJD) Abão Saldanha ho prezidenti Federasaun Fútebol Timor Leste (FFTL) Francisco Jeronimu asina akordu ida konaba oinsa mak servisu hamutuk atu dezenvolve Fútebol Juvinil sira hodi prepara futebolista ba futuru oin mai.
Asina akordo entre SEJD ho FFTL ne’e hala’o iha edeficio eis sinional SEJD Dili tersa ( 14/12).
Tuir Abrão katak, governu hari gras hours ne’e liu-liu dezenvolvimentu fútebol juvinil ne’e inportante tebes atu dezenvolve futebolista sira iha futuru oin mai no mos oinsa mak hare ba disiplinas valores desportu nian.
“ho programa sira ne’e mak ohin halo akordu ho FFTL, tanbá FFTL mak iha fasilidade ba iha area futebol, enkuantu governu iha intrese nafatin atu dezenvolve labarik sira, entaun konbina intrese rua ne’e liu husi dezenvolvimentu juvinil nian”
Governante ne’e haktuir, saida mak governu atu apoiu ne’e koalia hotu ona, tanbá iha akordu nia laran ne’e fahe ba parte sira ne’ebé mak ida-idak nia responsablidade.
“Durante ne’e ita halo ida idak nian hanesan sentru juvnil halo no mos FFTL halo liu asosiasaun sira iha munisipiu, maibé agora ba oin ho koperasaun sira ne’e atu diskuti hodi halo hamutuk”tenik Abrão
Nia haklaken, husi akordu ne’e hotu ita sei ba hari academia sira ne’e atu academia hotu halo atunomia sira nia jestaun iha kraik, husi ne’ebá mak parte SEJD ho FFTL transfere nia responsablidade ba akademia sira husi orsamentu ne’ebé mak iha.
Tanbá tinan-tinan SEJD iha orsamentu besik 1000 mil ba investimentu, maibé tinan oin sei aumenta tan. tanbé ne’e ho forma akordu foun ne’e ita sei autonimiza jestaun hodi tranfere direitamente ba kada munisipiu tuir nesidade ne’ebé mak iha.
“agora SEJD iha sentru juvinil hamutuk 7 no FFTL nia hamutuk asosiasaun 12 no tinan oin mai sei kobre hotu munisipiu ho formatu foun”
Entertantu presidenti FFTL Francisco Jeronimu hateten,saida mak ohin ami asina ona ho SEJD ne’e sei inplementa iha 2022. Akordu ohin ne’e halai liu ba grupu juvinil sira ne’ebé mak iha munisipiu hotu no mos iha nivil nasional,tanbá ne’e ami hakarak servisu hamutuk duke ita servisu ketak-ketak, ami hakarak hamutuk atu nune’e bele halo buat ida Sistematiku diak liu hodi prepara ba futuru juven sira.
About Post Author
