DILI-(Desportu XYZ) Sekretariu Estadu Juventude Desportu (SEJD), serbisu hamutuk ho East Timor Development Agency (ETDA), sei kapasita juventude 30 sira nia kuinesementu iha area hospitalidade.
Deritur Derisaun Nasionál Juventude SEJD Jacinto Ximenis, hateten loos duni husi diresaun nasional SEJD nian organiza jovem sira atu tuir formasaun iha area ospitalidade nian iha ETDA.
“ETDA ho SEJD kopera Malu diak tebes hodi fasilita formasaun sira nee iha tinan Hirak liu ba no agora dadaun nee SEJD mak halo rekrutamentu ba Juventude sira hafoin ETDA mak fasilita formasaun sira nee”tenik Jacintu bá sira iha SEJD kuarta (14/06)
Nia dehan Agora dadaun Juventude sira neebe mak iha vontade atu tuir formasaun refere halo ona inskrisaun iha diresaun SEJD nian hamutuk nain 300, maibe sei kontinua halo selesaun liu husi teste ba sira no hodi selesiona deit nain 30 tuir tarjetu neebe iha.
Kona-ba preparasaun no apoiu finansiamentu mai husi SEJD no ETDA mak sei fasilita formasaun.
Nia haktuir, husi formasaun ne’e joven sira lubuk ona mak hetan servisu no balun iha duni sira nia fundus hodi loke rasik sira nia kafetaria no balun servisu iha hotel sira iha Díli laran no balun mós servisu hela iha ETDA depois hein deit husi Fatin balun husu apoiu ba ETDA mak foin ETDA koloka sira ba servisu, tanba ne’e mak agora nee SEJD nafatin kontinua kapasita joven sira.
Sekretariu Estadu nia liafuan ida dehan katak joven milineal nee katak jovem iha potensialidade ba aktividade sai ida deit no jovem Laos sai deit problematiku Maibe jovem tenki iha hanoin rasik pelumenus halo mudansa ba sira nia moris liu husi akividades sai ida deit mak halo atu moris diak nee tenki liu husi formasaun nee.
Iha sorin seluk Joven Dulce Soares neebe aplika mos ba iha formasaun refere hatete ida nee espasu diak ba joven sira.
“Hanesan Juventude orgullu wainhira ita nia governu atravez husi SEJD neebe mak nafatin kria espasu pozitivu liu liu atu kapasita ami joven sira nia kuinesementu iha area hospitalidade “dehan nia.
Nia sei esforsu hodi konkore ba iha formasaun refere tanba agora dadaun foin liu faze selesaun dokumentus.
Entertantu, formasaun bá Juven sira ne’e durante fulan 3 no orsamentu mai husi SEJD hamutuk $36 mil ital.
About Post Author
