DILI-(Desportu XYZ) ohin loron 17 fulan Juñu tinan ne’e Timor Leste ho nasaun Cuba Selebra loron Festival Sports Cayman Bá Cayman bá dala tolu no mós selebra loron moris Ernestu Che Guevara ba dala 95.
Eventu ida ne’e mós hanesan selebra koperasaun belatarial enter Timor-Leste ho Cuba bá dala 21.
Sekretáriu Estadu Juventude no Desportu SEJD Abrao Saldanha, informa ida ne’e terseru Festival Cayman bá Cayman tanba Cayman ne’e hanesan iliha ida Lafaek i Cuba nian mós forma hanesan ho ita Lafaek hotu ne’e mak bolu Cayman bá Cayman.
“Festival ida ne’e ho Desportu oin oin hodi selebra koperasaun Timor Leste ho Cuba bá dala 21 no mós selebra loron moris Cheguevara nian bá dala 95″afirma Sekretáriu Estadu Juventude no Desportu bá jornalista sira iha SEJD sabadu (17/06)
Nia haktuir,Ema hotu hatene povu Cubanu ho Povo Timor-Leste iha relasaun ida ke forte tebes hahú husi ita nia Independensia ho sira nia bata mutin saúde hodi tama sai suku no aldeia hodi forma ita nia profesiais saúde rihun ba rihun.
“Cuba mós haruka sira nia ema nain 6 mai hodi ajuda universidade sira atu harii kursu fesiku no Desportu”
Governante ne’e esplika,problema ida iha ita nia rai mak fesika tanba ema barak mak serbisu iha kantor laiha atividade fesika,maibé ita hein governu foun mai bele ativu Desportu ne’e lorloron.
Sorin seluk Embaixadora Cuba iha Timor Leste Grisil Alina Aldana Innis, relata ita hotu ohin mai halibur iha ne’e atu selebra Cayman bá Cayman ne’e atu Komemora Festival Desportu rekreativu Cayman bá Cayman ho Aniversario bá dala 21 belatarerial entre Cuba ho TL no Aniversario Ernestu Cheguevara bá dala 95 ne’ebé mak koñesidu iha mundu no mós Timor Leste hanesan médiku,funu nain.
“Ami hakarak transforma atividade fesika Desportu rekreativu ida ne’e bá selebrasaun populár ida no iha ne’ebé Gabinte Cordenador Rezendente Nasoens unidas mós sai protaganista bá eventu ida ne’e no mós SEJD sai hanesan patrosinador”tenik Grisil
Exposisaun bá Che guevara hanesan líder polítika no funu nain ne’ebé mundu koñese no Timor Leste mós imajen ne’ebé mak voluntariu sira iha kareta Bus no mikrolet iha Timor laran tomak.
Entertantu,eventu Cayman bá Cayman ne’e Partesipa husi Atleta Boxing, Atletismu, Vollybol, Xadres, Jenastika husi idozo husi Becora, Maratona, dansa aerobik no seluk no sira seluk tan.
About Post Author
