Dili-segunda dia (18/07) governu liu husi Sekretáriu Estadu Juventude no Desportu (SEJD) sei haruka karta bá Federasaun Futebol Timor Leste FFTL no orgaun Liga Futebol Timor Leste LFTL atu hala’o inkontru hodi perpara bá Epoka tinan ne’e.
Antes ne’e orgaun LFTL mós husu bá FFTL atu hala’o inkontru Triparte,maibé FFTL mós deklara ona katak,sei hein karta konvite husi SEJD.
Tanba ne’e Sekretáriu Estadu Juventude no Desportu Abrao Saldanha hateten,uluk ami halo ona inkontru Triparte iha tinan kotuk i depois tranzisaun bá two parte no aban bainrua mai sei tun to’o bá oan parte, ne’e hatudu katak governu komesa neneik husik autoridade liga nian bá hamutuk ho FFTL,tanba governu labele tau lima hela de’it bá serbisu ida ne’e.
“Segunda/tersa hanesan ne’e SEJD haruka ona karta ba orgaun rua ne’e atu tur hamutuk hodi Resolve liga ne’e, uluk inkontru ona Triparte agora ne’e inkontru two parte,maibé governu prontu iha sira nia kotuk hodi apoiu finansiamentu ne’ebé governu iha”dehan Abrao bá jornalista iha SEJD Sabadu (16/07)
Tuir nia katak,labele governu hela de’it hodi tau liman bá serbisu sira ne’e tanba ne’e bele sai konplikasaun bá organizasaun internasionál sira hodi dehan liga iha ne’ebá ne’e la’ós FFTL mak organiza,maibé governu mak organiza fali.
“Agora ha’u husu bá prezidenti FFTL atu hahú Epoka ida iha fulan Agostu i tempu badak ami sei informa bá sira katak,atu bele halo ona pedidu mai hodi dezenborsa kontribuisaun finanseru ne’ebé governu iha hodi bá Liga”
About Post Author
