DILI-(Desportu XYZ) maske Atleta sira ne’ebé mak partesipa eventu Ásia Games iha Hangzhou China tinan ne’e fila ho liman mamuk,maibé iha avaliasaun ne’e Confederasaun Desportu Timor Leste CDTL rekoila rezultadu jogu Ásia Games husi Modalidade 10 ne’e hatudu katak,Atelta sira nia Progresu sa’e Makas tebes kompara ho eventu Sea Game Cambodia no Vietname.
Prezidente CDTL Macario Sanches informa,ohin ita bolu modalidade sira ne’ebé mak foin bá Partesipa eventu Ásia Games iha Hangzhou China tinan ne’e.
“Ohin ami hotu rona rezultadu saida mak atleta sira hetan iha ne’ebá, ne’ebé ohin kada modalidade sira hotu aprenza katak Progresu Atleta sira nian sa’e makas tebes”afirma prezidenti CDTL bá jornalista sira,hafoin remata avaliasaun iha edifisioa CDTL segunda feira ne’e.
Macario dehan, ohin rekoila ona informasaun sira ne’e sai hanesan evendensia ida hodi nune’e halo perparasaun tuir fali mai.
“Saida mak perparasaun tuir mai, perparasaun tuir mai ne’e atu bá Sea Game Thailandia 2025 nian,entaun ami preukupa atu hetan dadus atleta sira nian hodi halo perparasaun mais di’ak liu iha futuru”Sanches esplika
CDTL sei lori evendensia sira ne’e hotu bá Governu liu Menisteriu Juventude Desportu Arte e Cultura MJDAC atu tetu kona-ba bá saida mak di’ak liu.
Hatan bá asuntu kona-ba durante perparasaun Modalidade garante katak prontu ona bá kompete,maibé realidade laiha modalidade ida maka heta medalia.
Prezidenti CDTL ne’e haklaken,ita kompara jogu Sea Games ho jogu Asia games ne’e deferenti tanba kompete ho nasaun 45 tanba ne’e sira la hetan medalia ne’e la’ós sira nia perparasaun mak ladiak tanba sira nia kompete ho atelata nasaun seluk ne’e sa’e makas tebes.
Kona-ba perparasaun ita labele sura nia durasaun,maibé tempu mezmu badak maibé hare bá atleta nia kualidade.
Tanba Federaasaun sira iha Timor ne’e barak problema kona-ba fasilidade.
Entertantu, modalidade ne’ebé mak partesipa eventu Ásia Games Tinan ne’e mak hanesan,Taikwondo,Karat-do,Boxing, Vollybol,Hartefelismo,Natasaun,Badmint, Tenis kampu,Tiru no Atletismu.
Enkuantu,Iha modalidade 10 ne’e, modalidade rua mak la kompete iha Ásia Games mak hanesan,Boxing no Tiru.
About Post Author
