Dili-tuir loloos ohin dia 22/09/2022 prezidenti Asembleia jerál Liga Futebol Timor Leste LFTL ho nia Vice Osorio Florindo no sekretáriu António Cepeda hala’o inkontru ida hodi ko’alia kona-ba oinsá bele hare ema ida atu Subtitui Prezidenti Nilton Gusmao nia fatin.
Maibé iha inkontru refere Prezidenti Asembleia Jerál LFTL Miguel Manetelu no Sekretáriu António Cepeda seidauk bele foti dezisaun tanba Vice Osorio Florindu la Marka prezensa iha inkontru ne’e tanba okupadu hela ho serbisu seluk.
Tanba ne’e inkontru refere sei Adia fali ba iha dia 29/09/2022 hodi konvida fali estrutura hotu iha LFTL inklui prezidenti Nilton Gusmao atu bele hare hamutuk asuntu ne’e molok foti dezisaun.
Prezidenti Asembleia jerál LFTL Miguel Manetelu hateten, ohin inkontru Meza asembleia ida kompostu husi ema nain tolu hanesan ha’u prezidenti asembleia,vice Osorio Florindo no sekretáriu António Cepeda,maibe vice ohin la Marka prezensa,tanba iha asuntu seluk ida tanba ne’e ohin ami nain rua la ko’alia buat bot ida.
“mais Meza hare bá sirkuntansia sira hotu ami desidi fali katak,sei konvoka fali reuniaun ida ho orgaun LFTL hotu atu rona asuntu sira ne’ebé ligadu ho Estatutu hafoin prezidenti asembleia foti dezisaun atu hili ema ida bá prezidenti LFTL” tenik prezidenti Asembleia bá jornalista iha Estadiun Munisipal Dili Kinta (22/09).
Manetelu Haktuir,t anba ne’e mak ami hasai ona konvite bá orgaun LFTL hotu inklui prezidenti Nilton Gusmao atu Partesipa iha inkontru refere.
“Meza asembleia ami nain tolu hare ona estatutu ne’e no ami mós perzisa rona orgaun LFTL hotu i depois mak foti dezisaun bá prezidenti LFTL foun tanba karta resignasaun mai ona” dehan nia
Nia sublina, iha estatutu hatete katak, kuandu prezidenti Resigna-an premeru vice asume kedas kna’ar ne’e to’o iha loron 90, hafoin halo asembleia estra ordenario ida hodi hili prezidenti ezekutivu permanente tanba ne’e mak ami perzisa rona orgaun sira husi LFTL ne’e.
Eis Governante ne’e hatutan, ema hotu hakarak Futebol iha Timor Leste tenki la’o no ami nia preukupasaun mós hanesan ne’e,maibé prosidementu sira ne’e ita labele hakat liu tanba ema hotu hamutuk mak aprova estatutu ne’e.
Ezemplu liga atu la’o iha fulan ida ne’e,ha’u bele dehan liga bele la’o de’it ona tanba inkontru segundu ami sei desidi ema ida atu Lidera LFTL.
About Post Author
