Dili-Atleta husi modalidade Atletismu Teofilo Freitas ne’ebé oferese medalia osan mean tolu mai Timor Leste iha eventu Asea Para Games ne’ebé hala’o iha Solo Indonézia tinan ne’e.
tanba ne’e nia husu bá governu liu husi Sekretáriu Estadu Juventude no Desportu (SEJD) atu rekoñese no valoriza bá sira nia esforsu.
“Liu husi prestasaun ida ne’e,ha’u hakarak dehan de’it bá governu liu husi SEJD katak agora tempu ko’alia prestasaun Ho resultadu tanba ne’e tenki rekoñese no valoriza atu nune’e motiva ami atleta sira hodi perpara A’an di’ak liu tan”dehan Teofilo bá Desportu XYZ liu husi via Whatsaap sesta ne’e
Nia konta, ho resultadu ne’e ha’u senti káman ona hodi selu ona ha’u nia deve tanba antes ha’u tama iha ekipa ne’e mós mosu kanselamentu bá ha’u nia partesipasaun iha eventu refere.
Maibé ami klube no trenador Ezizi nafatin ikus mai ha’u bele tuir eventu ne’e no fila ho rezultadu.
Entertantu,Atleta Teofilho Freitas hetan medalia osan premeru iha loron 2 fulan Agostu tinan ne’e ho nia halai metru 1500M,medalia segundu iha loron 3 ne’e ho nia halai metru 400M no medalia terseru iha loron 4 ne’e ho nia halai metru 800M.
Enkuantu, modalidade hira ne’ebé mak bá bkompete iha Asea Para Games iha Solo Indonézia sei fila mai TL iha loron 8 fulan Agostu tinan ne’e ho Aviaun Citilin.
Relasiona ho asuntu ida ne’e Desportu XYZ seidauk halo konfirmasaun ho Sekretáriu Estadu Juventude no Desportu Abrao Saldanha.
About Post Author
