DILI-ohin dia 01 de Juñu 2022 kompania Telemor atribui ona bonus bá atleta nain 4 husi modalidade tolu ne’ebé hetan medalia 5 Iha eventu Sea Games tinan ne’e iha Hanoi Vietnam.
Atleta nain 4 ne’ebé mak ohin simu premeu husi kompania Telemor hanesan, Felisbertu de Deus husi modalidade Atletismu ho medalia osan mutin 2 hetan bonus ho motante $ 500,Delio A.Mozinho modalidade Boxing medalia osan mutin ida bonus $250,José da Silva medali osan metan ida bonus $250 no Santina A.Fernandes husi Taikwondo medalia osan metan ida bonus $250.
Prezidenti Confederasaun Desportu Timor Leste (CDTL) Macario Sanches hatete, sasán ki’ik oan sira ne’ebé mak hanesan investor Telemor fó ne’e hanesan meus ida oinsá atu motiva ita nafatin hodi sai atleta kualifikadu atu reprezenta ita nia estadu iha futuru.
“Husu bá atleta sira ne’ebé mak ohin simu ona bonus ne’e labele para de’it iha ne’e,maibé tenki kontinua perpara A’an nafatin tanba sei ita la perpara ita sei lalori buat di’ak mai Timor”tenik Macario ba jornalista sira,hafoin entrega premeu bá atleta sira iha sede CDTL kuarta (01/06)
Tuir nia katak,nu’udar prezidente CDTL apresia esforsu Federasaun,trenador no atleta sira nia desplina mak lori rezultadu positivu mai rai ida ne’e.
Kompania Telemor hanesan kompania ida ne’ebé premera ves hakbesik A’an Desportu hodi sai ezemplu ba investor sira seluk.
Sorin seluk Atleta Atletismu Felisbertu de Deus afirma, hanesan atleta orguliho tebes bá bonus ne’ebé mak kompania Telemor oferese mai ha’u hodi motiva tebes ha’u atu sai nabilan liu tan iha eventu tuir mai.
“Ho serbisu hamutuk nafatin hanesan ne’e,ha’u espera tinan oin mai ami sei hatudu talentu ida ne’ebé di’ak hodi lori nasaun ki’ik ida ne’e sai nabilan liu tan”
About Post Author
