DILI- Ohin Segunda feira (25/10), klube 7 husi primeira divizaun dada sorteio hodi partisipa iha kompetisaun jogu primeira divizaun Liga Futeból Timor Leste (LFTL), ne’ebé sei realiza iha loron 12 de Novembru 2021.
Klubu 7 ne’ebé dada sorteio iha jogu jornada dahuluk ne’e mak hanesan, Aitana Fc sei kontra Karketu Fc iha jogu apuramentu, no Ad-SLB Laulara kontra DIT FC, Lalenok United Fc kontra Assalam Fc, no Ponta Leste Fc sei kontra DIT Fc.
Tanba ne’e Diretur Relasaun publlika LFTL, Diogo Neto Fraga hateten, tuir loloos Prezidente LFTL, Nilton Gusmão mak atu lidera iha soretio ne’e, maibé presidente la partisipa, tanba sei halo hela viiajem ba iha liur.
“Nia entrega hela knaár ne’e ba ami hodi hala’o sorteiu nee atu jogu nee bele estabelese ona iha 12 de Novembru”. Hateten Diretur Relasaun publlika LFTL, iha nia diskursu iha Salaun D”City Hotel Vila Verde Dili, Segunda (25/10/2021).
Nia dehan eventu ne’e hanesan eventu kontinuasaun husi enkontru ida hahu tiha ona iha 23 de setembru katak ita rasik mak deside ita nia kalendariu ba jojogu.
Ita tur hamutuk ne’e objetivu prinisipal mak dada sorteiu, sorteiu ne’e nia signfika badak mak klube ida hasoru klube ida i joga sa loron, maibé atu hakat ba sorteiu ne’e ita rasik sei tur hamutuk para depois atu verifika fali jogador sira ne’ebé rejistu iha ultima hora. Dehan nia.
Iha fatin hanesan diretór verifikasaun LFTL José Carvalho mós reforsa, iha sorumutuk ho klubu sira atu dada sorteio ne’e atu hadia mós buat balun relasiona ho jogadór balun rejistu naran iha klubu rua ho naran hanesan.
Tanba ne’e, diretór verifikasaun ne’e husu ba klubu sira atu konsulta malu hodi rezolve jogadór ne’ebé mak naran tama iha klubu rua hodi submete ba órgaun liga.
Aleim ne’e mós Diretur Ezekutivu DIT FC, Estanislao Baptista hateten, haree ba sorteiu ohin dada iha inisiu jogu DIT sei kontra SLB ne’e todan tebes, tanba ita hatene katak SLB klube ida ne’ebé, sigante. Ami sei prepara masimu para iha primeiru jogu kontra SLB mos hakarak lori vitória ba DIT Fc.
KLUBU LFTL 2021 – DIVIZAUN 1
About Post Author
