Dili-Tuir Planu ne’ebé mak Orgaun Liga Futebol Timor Leste (LFTL) hato karta pedidu bá prezidenti Federasaun Futebol Timor Leste (FFTL) atu halao inkontru kortezia Oficial FFTL ho LFTL bá Epoka 2022.
Maibé FFTL kansela inkontru refere hodi muda fali bá semana oin tanba Prezidenti FFTL Francisco Jeronimu preukupadu ho reuniaun Conselu Menistru segunda ne’e.
Objetivu husi Inkontru ofisiál ne’e mak Ezekutivu LFTL sei aprezenta kondisoens jerál servisu LFTL bá Epoka 2022,aprezenta Kalendariu jogu no mós submisaun proposta orsamentu LFTL bá Epoka 2022.
Tuir Deritor Relasaun Publiku LFTL Diogu Netu Fraga hatete, iha planu ida husi LFTL atu hala’o inkontru ida ho FFTL i planu ne’e antes ami perpara tiha ona i atumatikamente planu ne’e tenki vinkula liu husi karta ofisiál ida no sira mós simu karta hodi hatete katak ohin meudia ne’e parte rua sei hasoru malu atu halao inkontru atu hare dezenvolmentu Futebol Epoka ne’e la’o oinsa.
“Mais inflesmente ohin dader ami rona hikas fali informasaun katak,husi parte FFTL mak laprontu hodi kansela inkontru ohin”tenik Diogu ba jornalista liu konferensia ne’ebé hala’o sede LFTL segunda (16/05)
Nia haktuir,perparasaun ne’ebé durante LFTL hala’o desde fulan Fevereiru tinan ne’e hodi hato ba klube sira hodi mai tuir resistu bá jogador nasionál no internasionál,maibé no fin ita fó fulan ida klube sira laprense sira dever hodi mai halo resistu tanba ita hotu hatene katak klube sira hein hela oinsá mak FFTL atu pronunsia buat ruma kona-ba subsidu klube sira nian.
Ho nune’e LFTL mós buka meus oinsá tenta halo aprosimasaun bá FFTL,mais ita hotu hatene katak FFTL ate data sira nonok hela no hato hela sira nia protidaun inverbal de’it laliu husi surat verbal ida bá dezenvolvimentu Futebol Epoka ida la’o la ga la’o i sai nonok los deit
“To ohin Pronunsia katak,prezidenti FFTL preukupadu ho eventu boot hahu husi ohin to komemorasaun 20 de Maiu, i ida ne’e sai hanesan sira nia prekupasaun,maibé ita lasenti saida mak klube sira hein hela”dehan Diogu
LFTL to agora seidauk simu informasaun ne’e bainhra mak atu inkontru fali,maibé hatete de’it katak, LFTL prontu atu inkontru ohin ga aban ami prontu.
Hatan bá kestaun ne’e Prezidenti FFTL Francisco Jeronimu afirma,los duni sira husu atu hasoru malu ha’u ohin,maibé ha’u ohin reuniaun Konsellu Menistru tanba ne’e ohin seidauk bele hasoru malu no iha tempu badak sei bele hasoru malu atu esklarese bá sira hodi hatene sira nia perparasaun to iha ne’ebé. “orgaun LFTL ansi liu tanba ami informa ona bá sira katak Epoka ida ne’e labele hahu agora no tenki hahú iha fulan Agostu tanba ita tenki adapta situasaun real iha mundu liuliu FIFA,no saida mak seidauk di’ak i dalara ruma sira halo ha’u sai preukupadu liu ba ema sira ne’e.
About Post Author
 hato karta pedidu bá prezidenti Federasaun Futebol Timor Leste (FFTL) atu halao inkontru kortezia Oficial FFTL ho LFTL bá Epoka 2022.){kind=link}