DILI-Treinador Aitana Fc Octavio da Costa Alves informa, Aitana Fc nunka atu hakfodak no hakruk ba klubu kampiaun trybel wener Lalenok United iha jogu datolu Liga Fútebol Timor Leste (LFTL), tanbá jogu aban ne’e hanesan jogu final ba ekipa rua.
Lia hirak ne’e hato’o husi treinador ekipa rua iha preskonfres ne’ebé halo iha sede LFTL Xanana Sport Senter kinta (02/12).
“ita bele dehan Lalenok sai razaun katak ekipa ida forte, maibé Aitana hasoru se deit nunka hakruk no hakfodak ba lia fuan sira hanesan ne’e. tanbá Aitana perparadu ona atu joga aban”
Nia hatutan, hanesan treinador agradese ba Aitana, tanbá iha primeiru jogu apuramentu ami lakon no segundu jogu impata, maibé terseru jogu ami estuda sala sira ne’ebé durante halo ne’e no aban Aitana sei foti pontos tolu husi Lalenok United.
entertantu trenador Lalenok United Gaspar Amaral hateten,konaba jogu aban inportante tebes ba ami nia ekipa ho buat sira ne’ebé mak liu tia ona iha semana kotuk derota ho Ponta Leste hanesan lisaun ida mai ami.
Tanbá ne’e aban Lalenok United tenki esforsu makas hodi hetan fali pontos tolu kontra Aitana Fc atu nune’e ami bele hetan pozisaun livre.
“konaba kondisaun jogador Lalenok United nian,ami iha jogador Santiago mak sofre hela alaiza grave liu halo nia labele partesipa jogu to’o remata,maibé ami buka oinsa mak jogador ida bele taka fali jogador refere nia fatin.tanbá Santiagu hanesan save Lalenok nian”
Trenador ne’e haktuir, foin lalais ne’e Ponta Leste halokon Lalenok ne’e segnifika dehan ami fraku,maibé Lalenok Sei la fraku tanbá tinan ida ami seidauk mai kompletu ho jogador Elias Mesquita no Paulo Galy ne’ebé haforsa hela Selesaun Nasioanal iha Suzuky Cup.
About Post Author
