DILI- iha janela tranferensia epoka 2022, orgaun Liga Fútebol Timor Leste (LFTL) sei aplika fali regulamentu ne’ebé liga iha hodi foti sansaun ba jogador sira ne’ebé naran dupla iha klube rua.
Antes ne’e iha epoka 2021 klube balun sai ona problema ba desputa jogador hanesan Karketu Dili Fc ho Lalenok United kona-ba jogador Nataniel Reis, no Ponta Leste ho Lalenok mos sai problema ba desputa jogador Mohamed Momy,maibé ikus mai klube ho oragaun LFTL konsege resolve ho diak.
Tanbá ne’e Deritor Verikasaun Lisensamentu klube LFTL Jose Carvalho hatete,iha epoka tinan kotuk ita foti risku tebes tanbá konpitisaun ne’e badak tebes i hakarak fútebol ne’e lao hodi tau regulamentu ne’e ses tia.maibé tinan ne’e ita hatur fali ona kondisaun liga nian ba regulamentu sira ne’e ,no ita nia formulario formatu ona hodi hein destribui ba klube sira para bele toma nota.
“ezemplu jogador ida tinan kotuk nia joga iha klube ida no tinan ida ne’e nia muda ba klube seluk,maibé tenki iha karta deklarasaun ida husi klubu tuan katak nia la joga ona iha klube tuan no muda ona ba klube foun,sei karik mak dokomentus ki’ik sira ne’e mak la hatama ho sira nia kontratu LFTL sei hasai jogador ne’e husi prosesu resistu liga nian”relata Jose ba jornalista iha edefisio LFTL segunda (06/03)
Nia afirma,ita bele dehan iha tinan kotuk akontese desputa jogador,tanbá iha kontratu fatin rua,maibé tinan ida ne’e sei la akontese,sei karik mak akontese jogador ne’e sei simu sansaun ida ne’ebé todan tuir aktu ne’ebé nia halo.
Enkuantu Janela transferensia ba jogador internasional no jogador local iha epoka 2022 ne’ebé Federasaun Fútebol Timor Leste (FFTL) no orgaun LFTL loke ona iha semana kotuk,maibé to agora seidauk iha klube ida mak mai resistu sira nia jogador.
About Post Author
 sei aplika fali regulamentu ne’ebé liga iha hodi foti sansaun ba jogador sira ne’ebé naran dupla iha klube rua.){kind=link}