Dili- Treinadór ho nasionalidade Indonesia Mial Baliebata Armand hakarak lori fila klube DIT fila fali ba primeira divizaun époka tinan ne’e.
Ekipa DIT degrada fila ba segunda divizaun hafoin partisipa kompetisaun Liga Timorense iha époka 2021.
Tanba ne’e, treinadór DIT ne’e promete sei lori DIT ba fali primeira divizaun.
“Ha’u nia tarjetu hakarak lori fila klube DIT ba fali primeira divizaun”. Hateten treinadór ne’e liu husi mensajen via Wattap, Segunda (07/03).
Tuir treinadór ne’e katak, sira la iha jogadór estranjeiru ruma atu haforsa sira nia ekipa, maibé iha de’it jogador lokál hamutuk 25 atu haforsa sira ekipa iha époka tinan ne’e.
Antes ne’e órgaun Liga Timorense anúnsia ona kalendáriu ba transférensia jogadór lokál iha segunda volta ba klube 9 husi segunda divizaun nian, sei hahú iha loron 11 no 21 fulan julho 2022.
Mial hanesan treinadór ne’ebé hetan sertifikadu nível A husi AFC iha tinan 2021, tanba ne’e nia sei lori experiésia ne’ebé iha atu konkista DIT ba primeira divizaun.
Treinadór ne’e, antes lori ona ekipa DIT partisipa iha jogu Copa Futebol Timor Leste iha tinan 2020, no konsege manan ekipa balun hodi tama mós iha meias finais. (Desporto.xyz).
About Post Author
