MANUFAHI – Relasiona ho membru Persaudaran Setia Hati Terate (PSHT) hamutuk 113 ho eligalmente ba sai sintu iha indoneza,tanbá ne’e governu liu husi Sekretario Estadu juventude Desportu (SEJD) konsidera hahalok ne’e krime kontra lei imigrasaun.
Tuir Sekretario Estadu Juventude Desportu Abrão Saldanha hateten, Membru PSHT sira ne’ebé mak ba hasa’e sintu illegal iha indonezia ne’ebá agora dadaun ema kaptura ona tanba krime kontra dekretu lei ba esatadu ne’e rasik, tanba ne’e Ministériu Justisa ho Polisia Nasional Timor Leste (PNTL) sira buka atu trata sira ba iha kuarentina.
“Bazeia ba ita nia membru PSHT sira ne’ebé mak ba hasa’e sintu illegal iha Indonesia ne’e hatudu katak krime tanba kontra ona dekretu estadu nian, ema hotu hatene katak agora dadaun ita sei hasoru hela ho situasaun pandemia covid-1, ho ida ne’e ita husu ba justisa no PNTL atu buka hodi lori sira ba karentina atu nune’e labele hada’et moras ne’e ba ita nia populasaun sira,” dehan Abrao ba jornalista iha Administrasaun Manufahi, tersa (11/08).
Nia dehan, ida ne’e hanesan asaun criminal sistema justisa nian, tanba SEJD halo mak tenta atu aselera iha rejistu ne’e atu nune’e bele prevene membru sira ne’e labele sai ba liur ho illegal.
Membru PSHT sira kontinua ba sai sintu illegal iha Indonesia tanba sira nia organizasaun taka tiha ona, ho ida ne’e wainhira sira taka depois hakarak pratika fila fali ba abuza iha fronteira.
“Ho ida ne’e oha fronteira ne’ebá la’os ba deit arte marsiais maibé ba mos iha negosiu tanba ema sira ba ne’e selu fali sira iha dalan atu nune’e husik liu”
Governante ne’e haklaken, ho informasaun ne’ebé mak SEJD hetan ne’e sira buka hodi husu ba iha sira nia organizasaun atu nune’e bele loke fila fali sira nia organizasaun iha timor, hodi membru PSHT sira labele ba abuzu iha fronteira nian, atu nune’e sira mos bele halo graduasaun iha deit timor.
Fo hanoin katak foin lalais Polisia Repúblika Indonezia kaptura sidadaun timor-oan hamutuk 113 iha atambua, munisipiu Belu provinsia nusa tengara timur Indonesia.
About Post Author
