DILI – Ohin loron 25 fulan Maiu ita nia Atleta Kontijente Timor Leste, fila hikas mai rai doben Timor-Leste, ho medaila hamautuk 5, maibé governu liu husi Sekretáriu Estadu Joventude no Desportu (SEJD), Abrão Saldanha la hatudu oin iha Airuportu Internasional Nicolau Lobato.
Antes ne’e SEJD hasai liafuan hodi hamenu bá atleta husi modalidade 7 ne’ebé mak tuir eventu Sea Games tinan ne’e iha Vietnam katak, agora ne’e tenki hatudu prestasaun no la’ós ona atu Partesipa.
No ohin loron atleta sira hatudu duni prestasaun iha Sea Games ne’ebé mak hala’o iha Hanoi Vietnam, hodi oferese medaila osan mutin 3 no osan metan 2 mai Timor Leste.
Maibé ohin simu ita nia atleta sira Airuportu Vice Menistru Educao Juventude Desportu António Guterres no Prezidenti Confederasaun Desportu (CDTL) Macario Sanches.
Liu husi konferensia imprensa Atleta husi Modalidade Boxe Delio Anzaqeci Mouzinho haktuir, Sekretáriu Estadu Joventude no Desportu (SEJD) nia liafuan ne’ebé hatete atleta sira ba la’ós partispa de’it maibé tenke hatudu prestasaun.
no ohin loron atleta sira ne’e fila ho Medaila iha liman maibé SEJD Abrao Saldanha la hatudu oin iha Airuportu tanba preukupa fali atividade Komisaun Regulador Arte Marsiais KRAM iha Vemasi
“Ami ba la’ós partispa de’it maibé ami ba ho prestasaun ne’e mak hatudu iha mundu katak ami ba ho prestasaun” dehan atleta Delio Anzaqeci Mouzinho hodi haktuir SEJD nia liafuan.
Atleta husi modalidade 6 ne’ebé fila husi Sea Games ne’e too iha Airaportu Internsional Nicolau Lobato iha tuku 11 : 30 dader ho aviaun citilink.
Hafoin atleta kontijente Timor Leste, sira tun husi aviaun atleta sira tun ho Bandeira RDTL ho medaila osan mutin ne’ebé mak sira hetan iha Sea Games Hanoi Vietnam.
No iha Airaportu Internsional Nicolau Lobato, atleta sira ne’e simu kedas ho tebedai no babadok hodi fo onra ba atleta sira tanba hatudu ona prestasaun iha Sea Games hodi oferese medaila ba Timor Leste.
Iha jogu Sudeste Aziatiku (Sea Games) ba dala 31 ne’e Timor Leste partispa ho Modalidade hamutuk 7 kompostu husi Modalidade Taikondow Natasaun Boxe Atletismu Karate-do Halterofelismu no Futebool.
No Sea Games ne’e iha Modalidade 3 mak konsge oferese medaila hamutuk 5 kompostu husi osan mutin 3 no osan metan 2. Enkuantu medaila osan metan 2 ne’e oferese husi Atleta Santina Adelaide husi Modalidade Taikondow no Atleta José husi Modalidade Boxe.
About Post Author
