Dili-relasiona ho realizasaun bá Liga Futebol Timor Leste Epoka 2022-2023 ne’ebé tuir planu husi Federasaun Futebol Timor Leste (FFTL) nian katak jogu sei hala’o iha fulan Agostu tinan ne’e.
Maibé FFTL no LFTL simu ona karta husi SEJD iha semana kotuk atu hala’o inkontru two parte,maibé FFTL sei nonok hela tanba seidauk iha informasaun serteza atu halao inkontru ho LFTL.
Ho problema sira hanesan ne’e ,sei fó inpaktu finanseru bá klube sira no mós Futebol iha Timor Leste sei hakiduk bá kotuk bainhira liga Paradu iha tinan ne’e tanba atu hetan jogador selesaun nasionál sira tenki liu husi klube sira.
Tuir Sekretáriu Jerál klube Ad SLB Laulara Domingos Caeiro deklara, atu hetan solusaun ne’ebé justu bá realizasaun liga Epoka tinan ne’e maka,husu bá Prezidenti FFTL atu hasoru malu ho Prezidenti LFTL atu bele buka dalan ne’ebé di’ak atu dezenvolve Futebol iha TL.
“Sei karik liga la la’o klube sira sei sofre finanseru tanba klube balun hahú rekruta ona jogador no mós inpaktu ne’e bá progresu Futebol iha Timor”dehan Domingos bá Desportu XYZ liu husi Via Whatsaap kinta (28/07)
Nia informa,ami klube sira mós informalmente kontaktu ona derijente FFTL kona-ba liga ne’e,maibé seidauk iha serteza ida bá Liga ne’e la’o bainhra no subsidu bá klube sira hira.
“Ha’u hanoin LFTL prontu kleur ona,maibé kuandu FFTL seidauk loke odamatan atu deskuti asuntu sira ne’e,LFTL sei la halo buat ida”tenik domingos
Nia Saleinta liu tan kona-ba karta husi SEJD,iha karta ne’e hatudu momos katak,governu entrega atividade liga ne’e bá FFTL atu inkontru two parte no husu bá prezidenti LFTL no FFTL Tenki iha komunikasaun di’ak hodi etende malu iha asuntu balun.
Iha mós informasaun kredevel husi klube balun katak,FFTL agora dadaun ne’e problema hela finanseru.
About Post Author
