DILI – Liga Futebol Timor-Leste sei hala’o iha loron sabadu (24/10) primeiru kongresu ordenariu hodi halo dezignasaun ne’e ba ezisténsia LFTL.
Diretór diresaun Relasaun publika, Diogo Neto Fraga hatete husu ba fundadór, asosiados no amante futeból Timor Leste katak premeiru kongresu ordenáriu sei realiza loron ida tomak.
“Husu ba fundadór sira no Amante Futebol iha Timor Leste atu partisipa iha premeru konferénsia,” deklara Diogo ba jornalista iha salaun Xanana Sport Center sesta (23/10).
Iha ajenda ne’ebé mak sei ko’alia iha hanesan iha primeiru kongresu ordenariu Liga Timorense iha pontos haat tuir rezolusaun ne’ebè kongresu Liga Timorense delibera iha loron 15 fulan Agostu 2020 kotuk liu ba.
Nia dehan iha pontos haat ne’e mak hanesan, prosesu diskusaun no aprovasau ba primeiru kongresu Alterasaun estatutu Liga Futebol Amadora ba Liga Futebol Leste hodi designasaun ba Liga Futebol Timorense.
Segundu pontos mak Diskusaun kona-ba rekerementu pagamentu Quota ho nia montante husi membru ida-idak ne’ebè afilia iha Liga Timorense iha (artigu 33) estatu alterasaun.
Diogu hatutan no sei halo nomeasaun eleicões do conselho fiscal unico no conselho jurisdictional tanbà uluk konsellu ne’e bolu etika displinar.
Konferensia ne’e mos halo toma de posse ba emposadus sira tanbà iha vice prezindenti nain rua seidauk halo tomada de posse. (eug)
About Post Author
