DILI – Klubu Boavista fc de Timor kontinua baralha Liga Fútebol Timor Leste (LFTL), ekipa ne’ebé lideradu husi Cicu Gusmão ne’e ba dala ida tan hatama karta rejingnasaun ba LFTL atu retira husi kompetisaun tinan ida ne’e hanesan karta daruak ne’ebé klubu ne’e hatama iha epoka 2021.
Antes ne’e karta rejignasaun ne’ebé Boavista fc de Timor hatama ona karta dala rua ba orgaun Liga Fútebol Timor Leste (LFTL) atu retira husi kompetisaun tinan ne’e, maibé estrutura LFTL seidauk iha desizaun klaru atu fo sansaun ba klubu Boavista.
Relasiona ho karta primeiru ne’ebé mak Boavista fc de Timor hatama ba LFTL hodi husu taka sira nia klubu, tanbá razaun finanseiru, maibé foin lalais LFTL hato’o konvite ba klubus Boavista hodi husu atu partisipa iha inkontru entre klubu, Federasaun Fútebol Timor Leste (FFTL) no orgaun LFTL hodi desidi kalendariu jogu.
Iha enkontru refere Sekretario Jeral Boavista fc Timor Ezy Leong marka prejensa iha enkontru ne’e, signifika Boavista sei kompete fila fali iha kompetisaun tinan ne’e.
Maibé iha loron 13 fulan Outubro 2021estrutura klubu Boavista fc de Timor halo tan karta resigna ba dala rua hodi husu LFTL katak, Boavista sei la tuir kompitisaun epoka 2021.
Tuir diretor relasaun publikas LFTL Diogo Neto Fraga hatete, relasiona ho aujensia klubu Boavista fc de Timor ne’ebé mak hatama karta official verbal ida katak, sira deside sei la tuir kompetisaun LFTL epoka 2021 no sira taka klubu provesorio.
“Sira nia pozisaun hakerek iha karta ne’e mos hetete katak sira pronto simu sansaun saida deit mak Federasaun Fútebol Timor Leste (FFTL) no orgaun LFTL foti” dehan Diogo ba jornalista iha press confrence ne’ebé mak halao iha edefesio LFTL sesta (15/10)
Relasiona ho asuntu ida ne’e LFTL halo reuniaun estra ordenariu ida hodi hare no tetu oinsa mak atu hare konaba sira nia pozisaun tuir normas legais ne’ebé mak vigora.
Iha reuniaun estra ordenariu ida ne’e LFTL foti desizaun iha pontos lima mak hanesan, primeru hare ba sirkuntansia ne’ebé mak akontese no LFTL sei foti sansaun ba klubu Boavista tuir normas legais.
Segundu LFTL iha obrigasaun atu salva guarda jogador sira nia talentu tanbá jogador Boavista iha esperansa Boavista atu joga, maibé no fin Boavista la partisipa, tan ne’e husu ba jogador sira atu hili klubu ne’ebé mak hakarak no treseiru LFTL loke ba klubu primeiru divizaun laos ba segundu divizaun.
Pontos kuartu klubu sira ne’ebé mak hetan ona jogador Boavista sira ne’e tenki trata asuntu administrasaun halo dia-diak molok sira submete mai iha verifikasaun lisensamentu klubu LFTL nian.
Enkuantu jornalista tenta husu asuntu kona ba sansaun saida mak parte LFTL foti fo Ba Boavista, maibé diretor relasaun Publik Diogo Neto Fraga informa katak, konaba sansaun saida mak LFTL atu fo ba Bovista fc de Timor, LFTL sei halo reuniaun bot ida hodi hare ba asuntu ida ne’e.
Maibé desizaun ne’ebé mak foin lalais Sporting klubu de Timor foti hodi retira iha jogu segundu divizaun epoka 2021, diretor Verifikasaun linsensamentu klubu Jose Carvalho hetete ba jornalista sira hafoin remata dada sorteu katak, LFTL foti sansaun ba Sporting tun ba treseira devizaun.
About Post Author
