DILI-Komisaun Organizadora Liga Futebal Amadora (LFA), daudaun ne’e preparadu realiza kongresu hodi hili presidente lideransa foun.
Tuir komisaun organizadora LFA, Janio Tilaman hateten, kongresu LFA nian ne’e hanesan kongresu dahuluk nian hodi hili fali presidente foun LFA nian, hodi haree fila fali serbisu hirak ne’ebe presidente dahuluk halao ona iha tinan 2015 no remata iha 2019.
“Relasiona ho komgresu LFA nian ne’e, hanesan kongresu dahuluk ne’ebe LFA realiza iha tinan ne’e, tanba ne’e iha tinan 2020 ne’e atu haree liu ba kongresu hodi hili prezidente foun hodi lidera fila fali LFA ba tinan lima oin mai,” deklara Janio iha Xanana Sportin Center, segunda (10/08).
Enkuantu relasiona ho aprezentasaun kandidatura sei mai husi klubu 23 ne’ebe mak sei hili sira nia ema ida hodi representante sai hanesan kandidatura iha kongresu nia laran.
“To’o oras ne’e klubu 23 mak simu ona formulariu, atu hili sira nia ema ida atu mai representante iha kongresu ne’e sai hanesan kongresista iha kongresu ne’e rasik, tuir prosedimentu sira ne’ebe iha”. Nia relata.
Nia afirma tan, to’o oras ne’e sira simu ona lista kandidatura nain lima inklui fundador ema nain haát.
Xefe organizadora ne’e esklarese tan, kandidatura ba prezidente LFA ne’e bele mai husi liur, maibe depende ba fundador no presidente klubu sira mak apresenta sira nia kandidatura tuir sira nia konfiansa rasik.
“Agora ne’e foin iha klubu lima, inklui fundador ema nain haát mak lori ona sira ninia kandidatura mai apresenta, maibe xefe organizadora ne’e hateten, to’o oras ne’e kandidatura sira seidauk iha deklarasaun ruma ba públiku relasiona ho sira nia kandidatura atu sai presidente foun ba LFA nian. Nia deklara.
Nia esplika, tuir rejimentu LFA nian, bainhira atu sai hanesan kandidatura ida tenki prense rejimentu LFA nian, mais ou menus iha kandidatura ida apoiu husi klubu lima inklui fundador nain tolu.
Orsamentu hodi realiza kongresu ne’e mais ou menus sete mil dolares amerikano.Enkuantu komgresu ne’e mós hetan apoiu husi parseru nasionál sira hanesan ETO no Gota.
Komgresu LFA ne’e, sei realiza iha loron 15 fulan Agostu tinan ne’e iha salaun Suai Room-Timor Plaza. (Vidal).
About Post Author
