DILI – Klubu primeiru divizaun Lalenok United seidauk halo preparasaun ba jogu Liga Fútebol Timor Leste (LFTL) epoka dalima, tanbá sei hein subsidiu husi Federasaun Fútebol Timor Leste (FFTL) no governu liu husi Sekretario Estadu Juventude (SEJD) aloka ona orsamentu ba klubu sira nia konta Bankaria foin mak halo preparasaun atu nune’e klubu bele garantia hodi selu jogador.
Asistenti Treinador Lalenok United Gaspar Soares hatete, estrutura klubu tur hamutuk ona hodi desidi atu halo preparasaun atu hasoru jogu liga tinan ne’e.
“Hare fali ba situasaun klubu nian atu halo preparasaun, entaun estrutura klubu desidi hodi muda lai kalendariu ba preparasaun nian hodi subsidiu ne’ebé mak parte FFTL no SEJD aloka ona mai konta bankaria klubu nian foin mak halo preparasaun” relata Gaspar ba Desportu.xyz iha nia servisu fatin, Tersa (28/09).
Nia hatutan, sei subsidiu ne’ebé mak FFTL no SEJD aloka ona mai klubu nia konta bankaria automatika ami halo ona preparasaun, tanbá klubu garantia ona hodi selu jogador sira.
Maibé klubu Lalenok United halo ona rejistu jogador hamutuk 20 ba orgaun liga iha loron 27 Setembru liu ba tuir kalendariu ne’ebé mak LFTL fo sai ona.
“Karik mak subsidiu tarde husi FFTL no SEJD ami sei desidi halo fali kalendariu fiksu ba treinamentu iha loron 5 fulan Outubru tinan ne’e.
About Post Author
