DILI – Orgaun Liga Fútebol Timor Leste (LFTL) simu ona klubu 4 mak halo rejistu sira nia jogador atu kompete iha epoka 2021, mak hanesan AS Ponta Leste, Lalenok United, Atletico Ultramar no Fitun Estudante.
Diretor verifikasaun lisensa LFTL Jose Carvalho hatete, rejistrasaun loke ba klubu sira rejitu atu kompete iha epoka 2021, hafoin deside enkontru iha loron Sabadu semana kotuk.
“Rejistrasaun ba klubu sira hahu loke iha Segunda feira loron 27 fulan Setembru tinan ne’e LFTL foin simu klubu 4 husi primeiru divizaun rua no segundu divizaun rua mak halo ona rejistu sira nia jogador” afirma Jose Carvalho ba jornalista iha sede LFTL tersa (28/09).
Nia informa, tuir buat ne’ebé mak iha enkontru fo sai ona katak data ba taka rejistrasaun ba primeiru divizaun no segundu divizaun sei taka hanesan iha loron 5 fulan Otubru 2021, tanbá hare ba primeiru divizaun nia tempu atu jogu ne’e dok ita halo taka hanesan deit atu antisipa rejistu jogador sira ne’e labele halai ba mai sei wainhira segundu divizaun joga hotu tia nia halai mai fali primeru divizaun.
Iha ona klubu balun mai halo rejistu fo informasaun katak iha ona sira nia jogador balun kontratu sediauk hotu halai ona ba klubu seluk, tanbá ne’e tuir regulamentu ne’ebé mak hau hatene wainhira klubu ida halo kontratu ba jogador ida tenki iha dever, tanbá jogador halo ona nia dever no klubu mos iha dever.
“Karik kontratu lao hela mak klubu la halo tuir dever mak liu fulan tolu la selu jogador sira, entaun tuir estatu FIFA nian katak kontratu ne’e la vale”
About Post Author
