DILI – Maski lakon iha penalidade 1-3 kontra Lalenok United iha semi final taca 12 Novembro trenador Boavista fc de Timor, Miru Baldo Bentu fò apresiasaun ba jogador hotu nia esforsu.
Boavista nia esforsu hodi halakon tia sira nia tusan ne’ebè mak iha copa Federasaun Futebol Timor Leste FFTL Lalenok United halakon 3-2 maibe la konsege hetan vitoria.
“Apresiasaun ne’ebè mak hau hato’o ba jogador Boavista hotu tanbà sira nia esforsu makas hakarak Boavsita tama duni ba final maibè sorte monu liu ba Lalenok United” deklara Miru ba jornalista iha estadiun munisipal Dili sabadu (05/12).
Derota iha sota penalidade segnifika jogador Boavista nia esforsu tomak hakarak halakon duni Lalenok hodi hakat ba final taca 12 Novembro, dehan nia treinador. Hatete jogu entre ekipa rua ne’e failansu barak mai husi arbitru tanbà sira foti desizaun halo jogador la satisfas ho kartaun.
“Hau baruk ona atu kestiona arbitu sira nia failansu tanbà klubu hato kritika bebeik ona maibè laiha mundans nafatin husi arbitu hotu,” Nia husu ba adeptos Boavista hotu atu labele lakon imi nia vontade ne’ebè mak la hetan resultadu diak ba imi maibè apoiu nafatin Boavista iha Liga Futebol Timorense iha tinan oin mai. (Eug)
About Post Author
