DILI – Sekretario Jeral Federasaun Fútebol Timor Leste (FFTL) Nelio Izac Sarmento hateten, klubu sira ne’ebé mak lakoi partisipa iha Liga Fútebol Timor-Leste (LFTL) tenki halo karta ida mai FFTL no klubu ne’ebé hakarak partisipa mai halo rejistu atu nune’e atribui subsidu, tanbá Federasaun sei mantein ho subsidu hanesan uluk.
Relasiona ho reuniaun klubu 20 husi primeiru divizaun no segundu devizaun ho LFTL hodi buka solusaun atu realiza jogu iha tinan ne’e, maibé inkontru horseik iha Otel Dili Lecidere laiha solusaun tanbá deklarasaun klubu sira nian mantein hodi muda jogu ba tinan oin.
Tanbá ne’e Nelio afirma, FFTL laiha mundansa ba deklarasaun husi klubu sira nian atu amenta subsidu, tanbá FFTL laos foti deit osan arbiru atu fo ba klubu, maibé liu husi reuniaun ezekutivu hotu hafoin desidi hamutuk katak sei mantein ho $10 mil ba segundu divizaun no $20 mil ba primeiru divizaun.
“Bazeia ba desizaun ezekutivu nian mak ne’e husu ba klubu sira ne’ebé mak lakoi partisipa haruka karta mai Federasaun hatete ami lakoi partisipa no sira ne’ebé mak hakarak partisipa mai halo rejistu atu nune’e atribui subsidu hodi jogu bele lao ho valor subsidu ne’ebé mak iha ona” relata Nelio ba jornalista iha Bairu Grilos tersa (14/09).
Nia dehan, iha abaixu asinadu husi klubu hotu katak la konkorda lakoi partisipa, maibé iha komunikasaun balun ho klubu seluk hateten katak hakarak partesipa, entaun unidade klubu sira nian sai duvidas hodi halo klubu balun mai rejistu tia ona.
Tanbá ida ne’e ami fo hanoin fali ba LFTL sei bele informa fali ba klubu sira katak, hakarak partisipa jogu mai rejista, sira ne’ebé lakoi halo karta mai federasun atu nune’e tinan oin mai atu moderniza fali liga ne’e ita labele deskuti tan asuntu sira ne’e, informa Nelio.
Nia mensiona, se klubu primeiru divizaun iha problema finanseiru klubu sira nian no klubu segundu divizaun hakarak aseita joga, ita avansa jogu ho segundu divizaun uluk hodi rezolve lai problema primeru divizaun.
About Post Author
