DILI-(Desportu XYZ) Klubu Relay Laleia fc husi Munisipiu Manatutu sei realiza kompetisaun futebol Xanana Cup hodi fó supreza bá lideransa Nasional Kayrala Xanana Gusmão nia aniversariu ba dala 77 iha fulan Juñu tinan ne’e.
Prezidente Komisaun organizadora Relay Laleia Fc Feleciano Perpetua Ximenis haktuir, Taxa Rotativa Avo Nana 2023 ne’e hanesan kompretivia ba Laleia oan no Juventude Laleia oan atu dignifika Lideransa Nasional naran ida ne’e hakarak halo hanesan taxa ida sai nivel Nasional.
“Ami planu hakarak reazliza iha Fulan oin atu fo premiu ida ba iha Avo nana nia Aniversariu ba dala 77 entaun ami atu fo premiu ida nee ba iha ita nia Lideransa nasional no mos atu komemora loron konsulta popular”tenik bá jornalista sira liu husi konferensia inprensa iha Xanana Sport Center tersa (06/06)
Nia esplika, ho eventu ida ne’e la naran simu klubu arbiru maibe klubu ida ne’ebé durante ne’e sai kampeaun iha eventu 2021 no 2022 liu bá iha ida idak nia munisipiu no nasional inklui RAEOA klubu ne’ebé kampionatu iha kada eventu la’ós eventu ba taxa Xanana iha munisipiu,maibé eventu kualker hanesan Liga Manufahi no kopa iha Eremera ida ne’e foti Primeiru lugar ho segundu Lugar.
“kada munisipiu ami foti klubu Primeiru Lugar ho segundu lugar foin nia mak bele priense rekezitus ba taxa rotativa ida ne’e hodi kompete”nia afirma
klubu barak hakarak mai partisipa tanba durante ne’e halo justifikasaun no identifikasaun husi Asosiasaun Munisipiu sira fó hatene ona katak kada Munisipiu sira fó sai ona Lista ne’e, maibé kona ba klubu sira ne’e mak sai Primeiru no segundu lugar.
Durasaun bá jogu refere durante fulan 2 tanba lideransa nia Aniversariu dia 20 de junhu tanba ne’e sei hahú abertura kompetisaun ne’e iha dia 23 junnu abertura duransaun tempu maximu fulan 2 sei Ensera iha sia 30 de agostu loron konsulta popular.
“Kona-ba Premiu agora dadauk ami prepara ona tanba realiza eventu ne’e sempre esfrosu finanseiru maske patrosinador ami seidauk hetan mos ami la’o nafatin ka sempre realiza”
Nia promete Relay iha fundus rasik tanba oraganiza eventu ne’e atu promove sei uza fundu ne’ebé iha no mai husi patrosinador seidauk foin prepara pedidu lori ba atu intrega ba patrisinador sira.hakotu nia
About Post Author
