Dili-Jogu kontinuasaun ekipa juvinil husi Baucau A2 halakon nia adversáriu Dili A1 ho skor 3-0 iha jogu kompetisaun nasional juvinil 12-U14, ne’ebé realiza husi Centru Treinamentu Futeból Juvinil Timor Leste “CTFJTL Cup 2021” iha Stadium Munisipal Dili, Kinta (02/12) ne’e.
Iha jogu primeira parte, ekipa rua hahú tun ho tátiku jogu hanesan hodi halo pasagem bola husi ain ba ain.
Maibé ekipa juvinil Baucau ho ambisaun makas atu hatama golu ho lais hodi lansa kedas sutu ameasa ba rede ekipa Dili nian.
Ameasa ne’e la rejulta golu ruma tanba salva husi baliza.
Nune’e mós ekipa Dili la tur hakmatek hodi halo kontra atake fila fali nia adversáriu, maibé sira labele liu liña defeza Baucau nian tanba liña defeza metin
Hare ba jogu iha kampu laran, ekipa Baucau domina liu bola, tanba sira mesak físiku di’ak no hodi halo defeza ekipa Dili nian tenki serbisu makas atu salva bola.
Hafoin iha minutu 16 ekipa Baucau lidera uluk golu ida, liu husi jogadór Norberto da Costa (160 hodi muda skor ba 1-0.
No iha minutu 18 ekipa Baucau lidera tan golu daruak liu husi jogadór Celio Soares (11) hodi muda skor ba 2-0.
Tanba ne’e to’o jogu primeira parte deskansa skor ba ekipa Baucau ho 2-0.
Depois de hakat ba jogu segunda parte, ekipa rua nafatin kontra atake ba malu.
Maibe ekipa husi Dili A1 nia lina vansadu sira labele lori bola liu tanba defeza Baucau nian mesak isin fisiku no ain aas.
Ekipa Baucau nafatin muda sira nia skor ba 3-0, liu husi jogadór Denilson Soares (2) iha minutu 27.
Skor refere lori ekipa Baucau ukun ho skor 3-0 to’o jogu segunda parte remata.
About Post Author
