MANUFAHI – Prezidenti autoridade munisipiu Manufahi Arantes Izaac Sarmento hateten, loron 12 Agostu hanesan loron Juventude nian, tanbá ne’e mak juventude mak forsa nasaun nian hodi transforma ema ida-idak nia pensamentu atu kontribui ba dezenvolvimentu estadu no governu kombate kiak iha Timor-Leste.
Nia hato’o lia hirak ne’e ba jornalista iha nia diskusrsu ba komemorasaun loron internasional Juventude nian ne’ebé realiza iha antigu merkadu Manafahi Kinta (12/08).
“Hau hanoin loron juventude nian ne’e inportante tebes ba juven hotu atu promove sira liu husi atividade ba dame hodi nune’e halakon tia hahalok ne’ebé mak la kontribui ba dame”
Nia dehan, juven tenki iha forsa bo’ot ida hodi hamutuk ho estadu no governu atu kombate kiak iha pais ida ne’e hanesan save importante ba dezenvolvemntu.
Juven hanesan sai ema ne’ebé primeiru luta ba dezenvolvimentu ba rai ida ne’e iha futuru oin mai.
“Ita hotu hatene situasaun COVID 19 agora iha mundu kuaze hasoru hodi fo amiasa ba ema ida-idak vida, tanbá ne’e perzisa juven sira nia kontribuisaun ba prevensaun covid 19 iha ita nia rai”.
About Post Author
