Dili-Governu liu husi Sekretáriu Estadu Juventude no Desportu (SEJD) no Federasaun Futebol Timor Leste (FFTL) desidi ona hodi mantein subsidu bá klube premeru devizaun no segundu devizaun ne’ebé antes ne’e iha ona.
Komprimisio ne’e hato husi SEJD Abrao Saldanha no Prezidenti FFTL Francisco Jeronimu bá jornalista sira,hafoin remata inkontru iha SEJD kuarta (14/09)
Tuir SEJD Abrao Saldanha hateten, Prezidenti FFTL relata bá ha’u kona-ba ezijensia balun husi Klube atu aumenta Subsidu Tanba ne’e mak defikuldade finanseru halo FFTL no LFTL atu husu apoiu husi SEJD hodi organiza Liga.
“Governu desidi katak,tuir kabementu bá orsamentu tinan ida ne’e Parlamentu Nasionál aprova bá SEJD iha tinan ida ne’e ho montante$ 200,000 tanba ne’e governu sei mantein ho orsamentu refere”
Tuir nia, hare bá luzika ne’ebé iha liuliu razaun subsidu bá klube sira ne’ebé durante ne’e governu aplika,ami hanoin laiha razaun atu aumenta 100% bá valor refere.
Tanba halo bá subsidu ne’e tinan lima liu ona, ne’ebé ami nia hanoin ita mantein subsidu hodi Ezizi prestassun iha klube sira nia leet.
“ha’u intrega fali bá FFTL atu bá ko’alia fali ho orgaun Liga Futebol Timor Leste LFTL no Klube sira atu informa fali orsamentu ne’ebé iha ona hodi fó hatene bá klube sira hakarak bele organiza ona liga”tenik Abrao
Nia dehan,Governu nia pozisaun mak ne’e,sei klube balun hakarak jogu tuir subsidu ne’ebé mak mantein,ami sei inkoraza LFTL no FFTL para organiza liga, bá klube sira ne’ebé mak hanoin katak subsidu ne’e lato,entaun hein fali orsamentu barak mak bele tuir fali.
Iha fatin hanesan prezidente FFTL Francisco Jeronimu afirma,FFTL nia pozisaun hanesan ho governu tanba orsamentu $200,000 ne’e FFTL sei mantein no sei la hasai tan.
Nia sublina,klube sira sira nia ezejensia dehan orsamentu lato, entaun ami mai ko’alia ho governu, maibé governu mós mantein.
“Ha’u labele dehan liga ne’e atu la’o bainhra,maibé ha’u sei hasoru malu ho LFTL hodi informa fali pozisaun governu nian ne’ebé ohin ko’alia i depois mak hare saida mak ami halo”
Entertantu,ezijensia klube sira nian durante ne’e hakarak aumenta Subsidu bá premeru devizaun ne’ebé antes ne’e $20 mil no tinan ne’e hakarak aumenta bá $40mil,enkuantu klube segundu devizaun antes ne’e 10 mil,no hasai bá $20 mil.
About Post Author
