DILI – (Desportu XYZ) semana ida ne’e orgaun Liga Futebol Timor Leste (LFTL) sei konvida klube premeru devizaun no segundu devizaun atu tur hamutuk hodi rona sira nia preukupasaun tanba saida mak sira la mai resistu sira nia jogador iha janela transferensia ne’ebé mak loke ona bá dala rua.
Fó hanoin fali katak,antes ne’e LFTL hahu loke ona Janela transferensia premeru iha loron 17 fulan Novembro no remata iha loron 10 fulan Dezembru 2022,maibé klube barak mak deklara katak lakoi Partesipa iha liga Epoka 2022-2023 tanba LFTL ho Federasaun Futebol Timor Leste FFTL seidauk bolu klube sira atu tur hamutuk.
Maibé iha janela transferensia bá daruak, LFTL foin simu klube 4 mak resistu sira nia jogador hanesan, klube Coracao, Lica – Lica Lemorai,DIT Fc no Fitun Estudante Lorasae.
Deritor Relasaun públika LFTL Diogu Neto Fraga hateten,iha semana kotuk orgaun Liga sira hotu halo ona inkontru hodi deskuti no foti dezisaun bá realiza Liga Timorense bá Epoka 2023.
“Dezisaun kortu prazu liu mak ne’e,liga sei konvida klube hotu atu tur hamutuk iha semana ida ne’e hodi rona sira nia preukupasaun tanba saida mak sira la mai resistu” Áfirma Diogu bá jornalista sira iha Estadiun Munisipal Dili segunda (09/01)
Nia dehan, durante ne’e ami halo hela kontaktu formál ho klube balun no Klube sira mós iha protidaun atu mai resistu, maibé sira mós tenki hatene sira nia finansial Soport ne’ebé mak kabe bá FFTL nia kompetensia tanba durante ne’e sira hakarak hetan klareza lolos kona-ba sira dereitu ida ne’e.
Maibe kona-ba sira atu Partesipa iha liga Epoka ida ne’e,sira prontu kualker tempu wainhira liga fó konvite bá sira.
About Post Author
