MANUFAHI – Prezidente komisaun organizadora munisipiu Manufahi Francisco da Costa, hato’o difikuldade kampu Fútebol ba Sekretario Estadu Juventude Desportu (SEJD), tanbá iha fulan Setembru tinan ne’e klubu 72 sei tuir jogu komunitariu.
“Ho preokupasaun konaba kampu Fútebol ida deit susar ba ami atu realiza jogu ho klubu ne’ebé mak barak, tanbá ne’e husu ba governu liu husi SEJD bele tau atensaun ba asuntu refere” afirma Francisco ba desportu.XYZ iha salaun Administrador Manufahi Kuarta (11/08).
Nia haktuir, iha tinan ida ne’e iha joven sira antusiasmu los ba jogu Fútebol, maibé kampu ida deit labele akumula klubu 72 nia kalendariu jogu.
Tanbá ne’e mak em nome Asosiasaun Fútebol Manufahi (AFM) husu ba governu se bele konstrui tan kampu Fútebol mais ou menos rua hanesan atu nune’e bele fahe kalenaderiu jogu ho diak, tanbá maioria husi Manufahi uza deit kampu refere.
“Ita organiza jogu komunitariu ne’e hodi komemora loron kosulta Popular 30 Agostu no mos komemora proklamasaun 28 Novembru”
Francisco hatutan, tuir lolos jogu komunitariu ne’e realiza iha Agostu nia laran, maibé hare ba klubu numeru sae ba 72 entaun sei halo fali jogu Play-Off hodi hili klubu 32 mak bele tama iha kompitisaun refere.
Hatan ba kestaun ne’e Sekretariu Juventude Desportu Abrao Saldanha afirma katak, konaba kampu Fútebol ne’ebé mak Manufahi infrenta hau sei lori ba nasionl liu husi Federasaun Fútebol Timor-Leste (FFTL) atu mai observa fatin sira hodi bele konstrui mini kampu ida.
Maibé problema ida mak rai, se komunidade sira mak oferese ona rai luan hodi konstrui kampu, hau hanoin bele buka dalan alternativu ida ho lais ita bele halo buat balun.
About Post Author
