DILI – Semana ne’e notísia nasionál manas uitoan ho polítika, maibé autoridade seguransa sira iha vaze hatudu ambiente amizade iha jogu futeból besik Angela Freitas ninia rezidénsia.
Desportu.xyz asesu hosi portal Ministério Interior deskreve ekipa Superior F-FDTL ho PNTL hala’o jogu futeból amizade hodi komemora 30 de Agostu iha kampu futeból demokrasia, Dili.
Hanesan públiku hotu hatene, kampu demokrasia la dook hosi rezidénsia Angle Freitas ninia uma ho distánsia metru 20 de’it, iha loron ne’e ambiente seguransa iha area bairru dos Grilhos la’o normal. Portal ne’e rasik la haktuir ekipa rua se maka manan no lakon.
Tuir mai artigu kompletu, DILI, 3 Setembru 2020 (SRP) – Vise-Ministru Interior António Armindo, hamutuk ho ofisiais superior husi instituisaun husi Forsa, Polísia Nasional Timor Leste (PNTL), halao jogu futebol amizade ho Falintil Forsa Defesa Timor Leste (F-FDTL) iha ambitu komemorasaun loron Konsulta Popular 30 Agostu 1999, ne’ebe halão iha kampu demokrasia Xanana Sport Centre.
Jogu amizade ne’e anima tebes komunidade Dili, kontente no hamnasa kahur tamba hare jogu diferente tebes ho jogador profisional sira seluk, jogadores barak maka lori bola monu mesak tanba lakon kontrola ho isin.
Tama iha minutu 30 ekipa Superior PNTL lakon kontrola no ekipa F-FDTL konsege hatama golu ida to termina primeira parte.
Tama ba segundu parte ekipa PNTL domina bola ho diak no konsege hatama ida iha minutu 64, maibe iha deit minutu sanulu nia laran ekipa F-FDTL konsege responde tan golu ida hodi muda skor ba 2-1 to’o remata jogu laiha tan golu, nune’e ekipa F-FDTL manan jogu refere.
Atividade jogu ne’e inisiativa ida ho objetivu atu hametin relasaun entre instituisaun forsa rua. Ita hotu hatene katak seguransa iha instituisaun PNTL ho F-FDTL nia liman, tanba ne’e atu bele asegura estabilidade nasaun nian lao diak tenke iha kooperasaun servisu husi institusaun rua refere, laos deit iha parte operasional maibe mos iha atividade extra sira hanesan ne’e.
Tuir observasaun ekipa SRP iha jogu ne’e, jogadór husi ekipa forsa rua hatudu duni profisionalismu ho di’ak, no komunidade sira asiste barak tanba realiza iha tempu loraik entaun anima tebes komunidade sira. (augusto)
About Post Author
