DILI – Eis jogador Ad SLB Johon Frith hatete ho kontratu ne’ebé mak hetan husi Boavista durante tinan rua, hau garantia Boavista FC de Timor sei sai kampiaun ba epoka 2021 Liga Futebol Timor Leste.
Tuir jogador meiu kampu ne’e katak kontratu ne’ebé mak hetan husi Boavista iha janela transferensia epoka 2021 ho durasaun tinan rua.
“Ho durasaun kontratu ne’e hau nia tarzetu no garantia sei lori Boavista sai kampiaun epoka 2021 Liga Timorense” promote Jhon ba media Desportu.XYZ iha kampu Demokrasia segunda (25/01).
Nia hatutan konaba kontratu hau nia hamutuk ho ekipa AD SLB remta iha jogu Taxa 12 Novembro 2020 no hetan kedas kontaktu husi klubu Boavista.
Momentu hetan kontaktu husi Boavista hau hanoin fali kontratu remata iha SLB hau rasik ba husu fali jestaun klubu maibe sira dehan imi nia kontratu remata ona dereitu ba imi atu hili dalan seluk.
“Hau senti orgullu ida mai hau bele hamutuk ho klubu bo’ot hanesan Boavista tanba bele hetan esperiensia foun no aprende liu tan ho maun senior sira hanesan jogador idade ki’ik”
Frith subliña katak performa hau nia hamutuk ho SLB sei mantein nafatin sei hadia diak liu tan iha Boavista atu lori Boavista ba kompete iha Liga tinan ida ne’e.
Fó hanoin katak jogador Jhon Frith ho idade 19 involvimentu iha selesaun nasional Timor-Leste hahu husi 2013 hamutuk ho sub 12, to’o mai sub 19 no iha tinan ne’e nia hetan fatin ba sub 23 senior.
Nia mós hahu’u kareira premeru hamutuk ho klubu Assalam iha segundu divizaun durante tinan rua no ikus mai klubu AD SLB ho naran istimadu Makikit Laulara rekruta Jhon Frith iha 2017 to’o iha 2020.
Iha janela transferensia ne’ebé mak fo sai ona husi Liga Futebol Timor Leste epoka 2021 halo Boavista rekruta ona jogador nain 4 hanesan Jhon Frith,Mozinho da Lima,Bakyoka,Yohanes.(Eug)
About Post Author
