DILI- (Desportu XYZ) Organizasaun Arte Marsiais husi Ikatan Kerasakti Putra Timor Leste (IKS-PTL), realiza kampionatu nasional ba dahuluk iha Timor Leste, hodi selesiona atleta sira tuir kompetisaun Internasional sira.
“Eventu ida ba dahuluk hanesan istoria IKS-PTL iha Timor Leste ninian, IKS-PTL hari iha loron 15 Janeiru 1996, foin primeira vez realiza kampionatu nasional ba dahuluk iha Timor Leste,”dehan Prezidente IKS.PTL, Silvestre Sufa liu husi nia diskursu iha Ginaziu Dili,kinta (19/10).
objetivu husi kampionatu nasional IKS PTL ne’e hanesan mata dalan ba membru sira, atu nunee hatudu talentu no tau prioridade ba desportu
Selvestre haktuir, laiha ona tempu atu estraga enerjia iha fatin publiku, maibé tempu ona hatudu talentu iha kompetisaun nasionál no internasionál sira.
Tanba ne’e husu bá membru IKS-PTL prepara didiak iha kampionatu nasional ida ne’e Tanba kampionatu nasional sei kontinua to’o munisípiu sira.
“IKS-PTL sei kontinua kampionatu nasional iha munisípiu, atu nune’e define atleta sira husi ranting to’o sukursal sira, sei to’o kampionatu nasionál,”afirma Sufa
kampionatu Nasionál ne’e hahú husi loron 19 to’o loron 22 fulan Outubru 2023 no eziste husi atleta 120 ne’e husi sucursal 15 no ofisial nain 10 iha territoriu nasional.
Prezidenti IKS PTL ne’e haklaken,atu garantia paz no estabilidade iha atleta sira hotu tenki koopera ho seguransa.
Iha fatin hanesan, Ministru Juventude Desportu Arte e Kultura, Nelyo Isaac Sarmento, informa, Governu agradese ba IKS-PTL realiza kampionatu nasional hodi motiva atleta sira partisipa eventu desportu sira.
“Prezensa iha ne’e hakarak sai testamuña istoria IKS-PTL iha Timor Leste, ami hakarak sai testamuña iha eventu ida ne’e primeiru eventu kampionatu nasionál IKS-PTL atu hamosu atleta prestasaun iha jogu sira,”
Governante ne’e hatete, ho eventu ne’e espera laiha konflitu iha públiku hodi halo inan-aman tanis tan imi nia hahalok sira.
puliku hamonu mata been bainhira hatudu prestasaun diak, hodi hamori Timor Leste iha mundu Internasionál
Nia akresenta IX Governu sempre hamriik hamutuk hodi dezenvolve desportu iha Timor Leste, durante tinan barak hatudu treinu agora hatudu iha fatin ida ne’e.
Entertantu, atleta sira ne’ebé mak partesipa iha kampionatu nasionál IKS PTL ba dahuluk ne’e,mai husi Munisípiu hotu no kada Munisípiu atleta nain 8.
Enkuantu, premeu bá kampionatu nasionál refere, Premeru lugar sei hetan orsamentu $ 250, segundu lugar $ 200 no terseru lugar $150.
Orsamentu bá kampionatu nasionál ne’e apoiu husi Menisteriu Juventude Desportu Arte e MJDAC hamutuk $ 28 ribu.
About Post Author
