DILI – Prezidenti Assalam Fc Hipolito Soares hateten, sei jogu Liga Fútebol Timor leste la realiza iha tinan ne’e, sei lori impaktu bo’ot ba jogador selesaun nasional atu reprezenta Timor ba jogu internasional iha tinan oin mai ne’e jogador nia prestasaun tun.
“Em jeral klubu hotu iha intensaun hakarak joga hodi rekopera, tanbá ita ba laos intensaun klubu ida ka ema rua, maibé ita hare fali tinan ida ne’e mak kuandu liga laiha ne’e sei lori impaktu ba jogador selesaun nasional atu reprezenta Timor ba jogu internasional iha tinan oin mai halunusa”relata Hipolito ba joranlista iha Salaun Xanana Sport Center Sesta foin lalais ne’e.
Nia hatutan, ita mos hanoin kona ba jogador sira nia problema, laos problema osan la to ita labele tuir jogu, tanbá ita hari klubu ne’e para halo fútebol no jogador selesaun bele partisipa iha jogu nasional no mos eventu internasional.
Karik jogu ne’e mak la lao, hau hanoin impaktu seriu tebes mai Assalam rasik, tanbá selebra ona kontratu ho jogador, perparasaun no mos iha kompania balun apoiu hakarak hare nia logo iha kamizola iha jogu liga ne’e rasik.
“Ba hau kestaun bo’ot ida mak ne’e, sei la joga iha tinan ida ne’e nia implika mos ba orsamentu sei fila fali ba kofre Estadu” tenik Hipulito.
Nia haktuir, hakarak ka lakoi jogu apuramentu tenki lao, tanbá momentu ne’e desizaun mais altu iha kongresu katak primeiru divizaun klubu tenki 10, ho ide ne’e mak ita muda Liga Futebol Amadora (LFA) ba Liga Futebol Tmor Leste (LFTL).
Maibé agora ita hasoru hela situasaun pandemia covida 19 iha mundu inklui Timor Leste rasik hodi implika mos ba emprezariu sira sa tan mai ami klubu.
Mais ida ne’e laos ami klubu sira nia ezijensia, mabé hanesa proposta ida ba Federasun Futebol Timor Leste (FFTL) no governu liu husi Sekretariu Estadu Juventude no Desportu (SEJD) pelumenus bele amenta tan subsidu oituan ba klubu sira hodi garante jogu ne’e bele lao to hotu, hakotu nia.
Entertantu Foin lalais ne’e klubu sira hotu hato karta proposta ida ba Federasaun Futebol Timor Leste (FFTL) hodi husu atu altera subsidu ne’ebé mak antes $20 mil muda ba $40 mil,karik ida ne’e mak parte federasaun la altera jogu muda ba tinan oin.
About Post Author
