DILI – Treinador Sporting Clubu de Timor Moises da Silva hatete ho rezultadu ne’ebè mak ami hetan pontos tolu husi FC Portu Taibesi seidauk determina ekipa Sporting ba 8 finais tanbà sei iha jogu ikus kontra Aitana henesan jogu final.
Tuir Moises katak hetan vitoria 2-0 kontra Portu Taibesi la ses husi jogador sira nia kapasidade no mentalidade ne’ebè mak durante ne’e hau fahe ba sira iha fatin trenu.
“Ami hetan ona pontos tolu husi jogu ohin kontra Portu Taibesi, maibe seidauk serteza Sporting hakat ba 8 finais, tanbà sei iha jogu ikus ho Aitana fc hanesa jogu final”deklara Moises ba jornalista iha stadium minisipal Dili tersa (29/09)
Nia dehan iha jogu ikus kontra Aitana hanesan jogu final ba Sporting atu hadau malu ba 8 finais copa Federasaun Futebol Timor Leste FFTL tinan ne’e.
Sporting sei hadia failansu barak ne’ebè mak jogador sira komete iha lina meudu no avansadu, tanbà Aitana ekipa ida forte mesak jogador esperensia iha jogu primeiru divizaun, relata Moises
“Hau sei mai ho estratejia ida atu hetan kontra Aitana tenki ho golu barak hodi hadau malu ba 8 finais. (Eu)
About Post Author
